jis ka chaha jese dil : poet zain shakeel

جس کا چاہا جیسے دل

اس نے توڑا ویسے دل

رفتگاں کی یاد کو

بھول جاتا کیسے دل

رو رہی ہے آنکھ کیوں

ہنس رہا ہے کیسے دل

مشترک ہیں عادتیں

جیسے تم ہو ویسے دل

کر رہا ہے منّتیں

جانے کیسے کیسے دل

زین ویسے ہی کرو

کہہ رہا ہے جیسے دل

زین شکیل

jis ka chaha jese dil

us ne tora wese dil

raftigan ki yaad ko

bhool jata kese dil

ro rahi hai ankh kiu?

hans raha hai kese dil

mushtarik hain adatain

jese tum ho wese dil

kar raha hai minnatain

janay kese kese dil

zain wese hi karo

keh raha hai jese dil

Zain Shakeel

aa milain : poet zain shakeel

آمِلیں

آمِلیں اس طرح کہ

وچھوڑا ہمارا ملن دیکھ کر رو پڑے

محرماں

آ ملیں اور جدائی کو ناراض کر دیں

مرے سانولا

آ ملیں۔۔

زین شکیل

aa milain

aa milain is tarah k
vichora hamara milan dekh kr ro paray
mehraman
aa milain aor judayi ko naraz kar dain
mere sanwla
aa milain

Zain Shakeel

tamam harf baray hi karakht bolay thay : poet zain shakeel

تمام حرف بڑے ہی کرخت بولے تھے

ہمارے ساتھ مگر تم بھی سخت بولے تھے

مجھے تو شامِ جدائی وہ یاد ہے جب ہم

خموش دونوں تھے لیکن درخت بولے تھے

یہ اور بات کہ سویا رہا نصیب اپنا

ہمارے حق میں کئی اور بخت بولے تھے

تمہی نہیں تھے جسے سب سے منفرد کہتا

ہمارے ساتھ سبھی لوگ سخت بولے تھے

یہ زندگی ہے حقیقت میں زندگی لوگو

کہ سر تھا تن سے جدا، پھر بھی لخت بولے تھے

زین شکیل

tamam harf baray hi karakht bolay thay

hamaray sath magar tum bhi sakht bolay thay

muje to shaam e judayi wo yaad hai jab hum

khamosh dono thay lekin darakht bolay thay

yeh aor baat k soya raha naseeb apna

hamaray haq main kayi aor bakht bolay thay

tumhi nahi thay jisay sab se munfarid kehta

hamaray sath sabhi loag sakht bolay thay

yeh zindgi hai haqeeqat main zindgi logo

k sar tha tan se juda phir bhi lakht bolay thay

Zain Shakeel

eid mubarik dhol sajan : poet zain shakeel

مت بول سجن

یہ مندے مندے بول سجن

صدیوں سے روایت ہے یارا

قربان تو کر اب "میں" یارا

بس رنگ بکھیر محبتاں کے

اے سوہنے مٹھڑے یار سجن

آ لگ سینے اک بار ماہی

سب گھٹ جاویں آزار ماہی

یہ پریم کی گانٹھیں کھول سجن

مت ایسے جندڑی رول سجن

آ چھوڑ کے آج اور کل، بیٹھیں

آ مل کر پل دو پل بیٹھیں

ہم اک دوجے کی دید کریں

ہم عید کریں ہم عید کریں

گل باتاں سُن، انمول سجن

تو آج لبوں کو کھول سجن

اب عید مبارک بول سجن

تجھے عید مبارک ڈھول سجن

تجھے عید مبارک ڈھول سجن

زین شکیل

mat bol sajan

yeh manday manday bol sajan
sadiyon se riwayet hai yaara
qurban to kar ab "main" yara
bas rung bakher muhabbtan k 
ae sohne mithray yaar sajan
aa lag seenay ik baar mahi
sab ghat javain azaar mahi
yeh parem ki ganthen khol sajan
mat aisay jindri rl sajan
aa chorr k aaj aor kal bethain
aa mil kr pal do pal bethain
hum ik doojay ki deed karain
hum eid karen hum eid karen
gal baatan sun, anmol sajan
tu aaj labon ko khol sajan
ab eid mubarik dhol sajan
tujhay eid mubarik dhol sajan
tujhay eid mubarik dhol sajan

Zain Shakeel

ishq, awargi, firaaq, milan : poet zain shakeel

عشق، آوارگی،فراق، ملن

یار ہر بات مت کیا کرو ناں

اب یہ آنکھوں سے بولتے کیوں ہو

روٹھ کر بات مت کیا کرو ناں

پھر میں الزام دے نہیں سکتا

اعترافات مت کیا کرو ناں

کس قدر بے رخی ہے لہجے میں

مجھ سے یوں بات مت کیا کرو ناں

یہ زمانہ بلا کا ظالم ہے

راہ میں رات مت کیا کرو ناں

منتشر کر دیا کرو جذبے

بس مری ذات مت کیا کرو ناں

دیکھتے کیوں ہو تم لباس مِرا

اعتراضات مت کیا کرو ناں

زین شکیل

ishq, awargi, firaaq, milan

yaar har baat mat kiya karo naa

ab yeh ankhon se boltay q ho

rooth kar baat mat kiya karo na

phir main ilzam de nahi sakta

aitarazaat mat kiya karo na

kis qardar be rukhi hai lehjay main

mujh se youn baat mat kiya kro na

yeh zamana balaa ka zaalim hai

raah main raat mat kiya karo na

muntashir kar dia kro jazbay

bas meri zaat mat kiya karo na

dekhtay kiu ho tum libas mera

aitarazaat mat kiya karo na

Zain Shakeel

darvesh sifat mere : poet zain shakeel

درویش صفت میرے

برباد طبیعت میں

انبار اداسی کے

ایسے ہیں لگے جیسے

شہتوت کے پیڑوں پر

شہتوت لٹکتے ہیں

یہ روح دریدہ ہے

بکھری ہوئی سوچیں ہیں

مرہم کی ضرورت ہے

مرہم تو لگا جاؤ

ہر سوچ سلجھ جائے

پیوند لگا جاؤ

یہ روح تمہاری ہے

ہر زخم تمہارا ہے

اے حرفِ سکوں میرے

درویش صفت میرے

زین شکیل

darvesh sifat mere!

barbaad tabiyat main

anbaar udasi k

aisay hain lagay jese

shahtoot k paerron per

shahtoot lataktay hain

yeh rooh dareeda hai

bikhri hui sochain hain

marham ki zaroorat hai

marham to laga jao

har soch sulajh jaye

pevand laga jao

yeh rooh tumhari hai

har zakhm tumhara hai

ae harf e sukoon mere

darvesh sifat mere!

Zain Shakeel

dard bhi raas hone lagta hai : poet zain shakeel

درد بھی راس ہونے لگتا ہے

جب کوئی پاس ہونے لگتا ہے

خود کو پھر عام کرنا پڑتا ہے

جب کوئی خاص ہونے لگتا ہے

جس سے میں دور ہونے لگتا ہوں

وہ مِرے پاس ہونے لگتا ہے

زین شکیل

dard bhi raas hone lagta hai

jab koi paas hone lagta hai

khud ko phir aam karna parta hai

jab koi khaas hone lagta hai

jis se main door hone lagta hon

wo mere paas hone lagta hai

Zain Shakeel

mera mehvar udaasi hai : poet zain shakeel

تمہاری روح کا عالم 

تمہی جانو

زمانے بھر کے رسم و راہ کو

جی جان سے مانو

مرا کوئی دخل کیسے؟

ترا نعمل البدل کیسے؟

مری آنکھوں کی بجھتی کربلا

اے یار پیاسی ہے

مرا محور اداسی ہے

زین شکیل

tumhari rooh ka alam
tumhi jaano
zamanay bhar k rasm o raah ko
jee jaan se mano
mera koi dakhal kese?
tera naimul badal kese?
meri ankhon ki bujhti karbala
ae yaar pyasi hai
mera mehvar udaasi hai

Zain Shakeel

chal chup kar baat na kar dhola : poet zain shakeel

چل چپ کر بات نہ کر ڈھولا

مری گھائل ذات نہ کر ڈھولا

بیٹھی ہوں دریچے میں کب سے

اب آ جا لوٹ کے گھر ڈھولا

بھرتی ہوں اڑانیں سمت تری

مجھے لگ گئے پریم کے پَر ڈھولا

اب بین دیواریں کرتی ہیں

میرا کر گئے سُونا گھر، ڈھولا

رس گھول ناں میرے کانوں میں

کبھی مجھ سے باتیں کر ڈھولا

کہیں تیرا لمس نہ کھو جائے

مِرے دل سے جائے نہ ڈر ڈھولا

کبھی سن عرضی مجھ کملی کی

پڑی آن میں تیرے دَر ڈھولا

زین شکیل

chal chup kar baat na kar dhola

meri ghayel zaat na kar dhola

bethi hon dareechay main kab se

ab aaja loat k ghar dhola

bharti hon uraanain samt teri

mujhay lag gaye parem k par dhola

ab bain devaaren karti hain

mera kar gaye soona ghar dhola

ras ghol na mere kaanon main

kabhi mujh se baten kar dhola

kaheen tera lams na khoo jaye

mere dil se jaye na dar dhola

kabhi sun arzi mujh kamli ki

parri aan main tere dar dhola

Zain Shakeel

saiyan ve : poet zain shakeel

سائیاں وے

سائیاں وے

یہ کالی راتیں

کیوں ڈسنے پہ آ جاتی ہیں؟

سائیاں وے

اب پگڈنڈی پر

تنہا چلنا کیوں پڑتا ہے؟

سائیاں وے

کچھ سپنے کیونکر

نیناں زخمی کر دیتے ہیں؟

سائیاں وے

کالے بختوں میں

کیا کچھ اچھا بھی لکھا ہے؟

سائیاں وے

یہ خون جگر میں

پی کر کیوں سیراب نہیں ہوں؟

سائیاں وے

اک بار بتا دے

کیا وہ لوٹ کے آ جائے گا؟

سائیاں وے

دل اجڑی نگری

کیا آباد نہیں ہو سکتی؟

سائیاں وے

تو چپ چپ کیوں ہے؟

کیوں تو مجھ سے روٹھ گیا ہے؟

سائیاں وے

اے بھاگوں والے

کیوں میں اتنا ٹوٹ گیا ہوں؟؟؟؟

سائیاں وے

لب کھول خدارا

کیوں دل اتنا ٹوٹ گیا ہے؟؟؟؟

زین شکیل

saiyan ve 

yeh kaali raten

kiu dasnay pe aajati hain?

saiyan ve

ab pagdandi per

tanha chalna kiu parta hai?

saiyan ve

kuch sapne kiu kar

nainan zakhmi kar detay hain?

saiyan ve

kalay bakhton main

kya kuch acha bhi likha hai?

saiyan ve

yeh khoon e jigar main

pee kar kiu seraab nahi hon?

saiyan ve

ik baar bata de

kya wo loat k ajaye ga?

saiyan ve

dil ujri nagri

kya abaad nahi ho sakti?

saiyan ve

tu chup chup kiu hai?

kiu tu mujh se rooth gya hai?

saiyan ve

ae bhaagon walay

kiu main itna toot gya hon?

saiyan ve

lab khol khudara

kiu dil itna toot gya hai?

Zain Shakeel

mujhay le chal apne sung piya : poet zain shakeel

مجھے لے چل اپنے سنگ پیا

مِری آنکھ میں تیرے رنگ پیا

تجھے چھین لیا اس دنیا نے

مری اس دنیا سے جنگ پیا

ترے نام کی مالا جپتا ہے

مرا روم روم انگ انگ پیا

اک بس اتنی سی خواہش ہے

مجھے رنگ میں اپنے رنگ پیا

اب مجھ کو میں سے تُو ، کر دے

میں اپنے آپ سے تنگ پیا

زین شکیل

mujhay le chal apne sung piya

meri ankh main tere rung piya

tujhay cheen liya is dunia ne

meri is dunia se jung piya

tere naam ki maala japta hai

mera rom rom ang ang piya

ik bas itni c khwakhish hai

mujhay rung main apne rung piya

ab mujh ko main se tuu kr de

main apne aap se tung piya

Zain Shakeel

tawakal ali dost : poet zain shakeel

توکل علی دوست

دیکھو تو دنیا کو اندر کی آنکھوں سے

دیکھو یہ دنیا

یہ دنیا رذیل اور جھوٹی، کمینی

نہیں یہ وہ دنیا نہیں ہے.. توکل

جو تھی

اب سے کچھ روز پہلے کی دنیا

کہ جس میں رہا کرتے تھے ہم سکوں سے

مگر وہ تو کچھ روز پہلے کی دنیا تھی

جس میں حسیں رنگ ہوتا تھا چہرے کا

جس کی ملاحت سنہری سنہری سی رہتی تھی

دیکھو توکل

وہ کچھ روز صدیوں سے بیتے ہوئے لگ رہے ہیں ہمیں

یہ وہ دنیا نہیں ہے مرے یار

سچ میں یہ وہ والی دنیا نہیں

جس میں سورج کی آنکھیں جو کھلتیں

تو کوئل درختوں پہ صبح سویرے

محبت بھری راگنی چھیڑ دیتی

ہوائیں جو رخسار چھو کر گزرتیں

تو ان کا ہر اک لمس اند تلک روح میں یوں

سرائیت سا کرتا 

کہ محسوس ہوتی رطوبت بدن کی

توکل

مگر اب یہ دنیا

یہ کذاب دنیا

پلیتی کے جاموں میں جھوٹوں سے لبریز دنیا

ہماری نہیں ہے... توکل

یہاں آئے دن لوگ ننھی سی معصوم کلیوں کو

پل میں یونہی روند دیتے ہیں

جیسے نزاکت کا ذرہ بھی باقی بچا ہو نہ ان میں

وہ احساسِ انسانیت سے بھی عاری

وہ گندے، کمینے، غلیظ اور غنڈے موالی

وہ بچوں کے قاتل

وہ معصوم بچوں کے قاتل

توکل! مرے یار

اف کیا بتاؤں کہ ظلم و ستم کی کوئی حد نہ چھوڑی گئی

لوگ مرتے گئے

کیا غضب تھا...توکل

یہ ایسی ہی دنیا ہے

بےحس سی دنیا

مگر کتنے بے بس ہیں مجبور بھی ہم..توکل

توکل کیے ہی جیئے جا رہے ہیں

یہ آنسو جو ہیں خون کے ہم پئیے جا رہے ہیں

مگر کتنے مجبور ہیں ناں....توکل

کبھی غور سے اپنا چہرہ تو دیکھو

بھلے ساری دنیا کو دیکھو

کہ چہروں پہ زردی ہے چھائی ہوئی

جو کہ دکھتی ہے کالک نما

اے مرے یار

سورج بھی اب تو نکلنے سے گھبرایا کرتا ہے

دن کے لیے یہ نکلتا تو ہے

جاگتا پر نہیں

اور کوئل وہ باغوں کی رانی

وہ میٹھے سُروں والی کوئل

وہ کوئل فضاؤں کی تلخی کو مدت سے

محسوس کرنے لگی ہے

محبت کے سُر چھیڑتی ہی نہیں

صرف نوحہ سناتی ہے دن کے نکلنے پہ

ظلم و ستم کا

توکل

وہ ہر روز کہتی یے

لوگو! اے لوگو

اے معصوم لوگو

خدا سے خدا کا رحم مانگ لو

ہر گھڑی اور ہر ایک پل

مانگ لو اس خدا سے وہ سانسیں

وہ جذبات، چاہت، خلوص 

اور تازہ ہوائیں وہ مہکی فضائیں

وہ امن و سکوں 

جو کہ تھا

اب نہیں جو

کہ یہ تو وہ دنیا نہیں جس میں رہتے تھے تم

اے اداسی کے مارے ہوئے سارے بے چین لوگو

توکل

وہ کوئل سبھی کچھ تو سچ کہہ رہی ہے

سنو تو سہی

اپنی اندر کی آنکھوں کو کھولو.. توکل

ذرا اپنے اندر کی آنکھوں سے دیکھو سہی

اس سے پہلے کہ ہم بے بسی، بے کسی، بے حسی میں نہ مر جائیں یونہی...توکل

چلو ہم تلاشیں وہ دنیا

وہ دنیا

کہ جس میں کبھی سانس لیتے تھے ہم

اور جیتے تھے سچ مچ جیا کرتے تھے

اے مرے یار

یہ تو وہ دنیا نہیں ہے

چلو ڈھونڈ لائیں کہیں سے وہی اپنی دنیا...توکل

توکل علی اے مرے یار چل نا چلیں

اپنی دنیا کو پھر ڈھونڈ لائیں

کہ دنیا جو یہ ہے

یہ دنیا نہیں ہے

یہ گندے، کمینوں، رذیلوں سے مل کر بنا جھوٹ ہے

اے توکل

مرے یار آ پھر چلیں اپنی دنیا میں واپس

جہاں ہم جیا کرتے تھے

اور سچ مچ جیا کرتے تھے۔۔۔

زین شکیل

yeh sitaray jo lab e baam nikal atay hain : poet zain shakeel

یہ ستارے جو لبِ بام نکل آتے ہیں

اس طرح آپ کے پیغام نکل آتے ہیں

کیا کروں ذہن کہیں اور لگاؤں پھر بھی

خود بخود آپ کے اوہام نکل آتے ہیں

جب بھی وہ پیار سے لیتا ہے مرا نام کبھی

لوگ پھر کیوں مرے ہم نام نکل آتے ہیں

وہ جو منہ پھیر کے ہر روز چلا جاتا ہے

اُس کو پھر مجھ سے کئی کام نکل آتے ہیں

ذات کی قید میں اک عمر انہیں رکھتا ہوں

پھر بھی جذبے کئی بے نام نکل آتے ہیں

زین شکیل

yeh sitaray jo lab e baam nikal atay hain

iss tarah aap k peghaam nikal atay hain

kya karon zehn kaheen aor lagaon phir bhi

khud bakhud aap k aohaam nikal atay hain

jab bhi wo pyar se leta hai mera naam kabhi

loag phir kiu mere hum naam nikal atay hain

wo jo mou pher k har roz chala jata hai

us ko phir mujh se kayi kaam nikal atay hain

zaat ki qaid main ik umar inhain rakhta hon

phir bhi jazbay kayi be naam nikal atay hain

Zain Shakeel