جب بھی کوئی بات چھپانا پڑتی ہے
تب بھی ساری بات سنانا پڑتی ہے
تم بھی تو بس شام کا وعدہ کرتے ہو
ہم کو دن میں شام سجانا پڑتی ہے
بادل چھت سے روز ہی روٹھا رہتا ہے
مجھ کو خود برسات چرانا پڑتی ہے
جب سے وہ شوقین ہوا انگاروں کا
پانی میں بھی آگ جلانا پڑتی ہے
تنہائی کو بات بتاتا ہوں کچھ اور
لوگوں کو کچھ اور بتانا پڑتی ہے
وہ جو مجھ کو یاد کبھی نہ ہو پائی
اب مجھ کو وہ بات بھلانا پڑتی ہے
ان گالوں کی پیاس بجھانے کی خاطر
آنکھوں سے اک بوند گرانا پڑتی ہے
پہلے تجھ کو خواب میں دیکھا کرتا ہوں
پھر خود کو تعبیر بتانا پڑتی ہے
زین شکیل
jab bhi koi baat chupana parti hai
tab bhi sari baat sunana parti hai
tum bhi to bas shaam ka vada kartay ho
hum ko din main shaam sajana parti hai
badal chatt se roz hi rotha rehta hai
mujh ko khud barsaat churana parti hai
jab se wo shoqeen hua angaron ka
paani main bhi aag jalana parti hai
tanhai ko baat batata hu kuch aor
logon ko kuch aor batana parti hai
wo jo mujh ko yaad kabhi na ho payi
ab mujh ko wo baat bhulana parti hai
in gaalon ki pyaas bujhanay k khatir
ankhon se ik boond girana parti hai
pehle tujh ko khwaab main dekha krta hon
phir khud ko tabeer batana parti hai
Zain Shakeel
No comments:
Post a Comment