درد کی اوٹ میں پلکوں کو جھکا کر رونا
رونے والوں کو بہر طور ہنسا کر رونا
درد کو بانٹنے آ جائیں یہ جھونکے سارے
یوں مرا نام ہواؤں کو بتا کر رونا
لوگ لے لے کے مرا نام ستائیں گے ناں
آنسوؤں کی کوئی تمہید بنا کر رونا
اوس بکھری ہوئی پھولوں پہ بھلی لگتی ہے
اپنی آنکھوں کو بھی راہوں میں بچھا کر رونا
کوئی بھی دردادھر سے نہ اُدھر ہو پائے
آنسوؤں کی ذرا ترتیب لگا کر رونا
لوگ ہر بات پہ محشر سا اُٹھا دیتے ہیں
تم کبھی حال نہ اوروں کو سنا کر رونا
ایسے تنہائی میں مت رو کے گنواؤ مجھ کو
میں جو آ جاؤں تو سینے سے لگا کر رونا
بھیجنا ہاتھ پرندوں کے، غموں کے نوحے
یوں مرا سوگ ہواؤں میں منا کر رونا
زینؔ اس واسطے ٹھہری نہیں حالت اپنی
ایک ہی شخص کو خوابوں میں بُلا کر رونا
زین شکیل
dard ki aot main palkon ko jhuka kr rona
rone walon ko bahar torr hansa kr rona
dard ko bantnay ajayen yeh jhonkay saray
youn mera naam hawaon ko bata kr rona
loag le le k mera naam satayen gay tumhain
ansuon ki koi tamheed bana kr rona
aos bikhri hui, phoolon pe bhali lagti hai
apni ankhon ko bhi raahon main bichaa kr rona
koi bhi dard idhar se na udhar ho paye
aansuon ki zara tarteeb laga kr rona
loag har baat pe mehshar sa utha detay hain
tum kabhi haal na aoron ko suna kr rona
aiasay tanhayi main mat ro k ganwao mujh ko
main jo ajaon to seenay se laga kr rona
bhejna haath parindon k ghamon k nohay
youn mera soag hawaon main mana kr rona
zain is waastay thehri nahi haalat apni
aik hi shakhs ko khwaabon main bula kar rona
Zain Shakeel
No comments:
Post a Comment