kisi k ankh se niklay sitaray baant lene thay : poet zain shakeel

کسی کی آنکھ سے نکلے ستارے بانٹ لینے تھے

کنارے بٹ نہیں سکتے سہارے بانٹ لینے تھے

محبت میں کبھی نقصان تو ہوتا نہیں لیکن

سمجھنا تھا یہی تو پھر خسارے بانٹ لینے تھے

جسے تم نے بھلایا ہے وہی اک شخص تھا ایسا

کہ جس نے مسکرا کر دکھ تمہارے بانٹ لینے تھے

سو اب نظروں کا شکوہ کیوں؟یہ پہلے سوچ لیتے نا

نگاہیں بانٹ لینی تھیں، اشارے بانٹ لینے تھے

کہاں تھا ناں کہ میرےبن کٹھن ہوجائے گا جینا

سو میری مان لینی تھی، گزارے بانٹ لینے تھے

جسے فرصت نہیں ملتی ہمارے پاس آنے کی

کہاں پھر زین اس نے غم ہمارے بانٹ لینے تھے

زین شکیل

kisi k ankh se niklay sitaray baant lene thay

kinaray batt nahi saktay saharay baant lene thay

muhabbat main kabi nuqsaan to hota nahi lekin

samjhna tha yehi to phr khasaray baant lene thay

jisay tum ne bhulaya hai wohi ik shakhs tha aisa

k jis ne muskura kr dukh tumharay baant lene thay

so ab nazron ka shikwa kiu yeh pehle soch lete naa

nigahain baant leni theen, isharay baant lene thay

kaha tha naa k mere bin kathin ho jaye ga jeena

so meri maan leni thi guzaray baant lene thay

jisay fursat nahi milti hamaray paas anay ki

kahan phr zain us ne gham hamaray baant lene thay

Zain Shakeel