diya hum bhi jala lete, jo tum atay : poet zain shakeel

دیا ہم بھی جلا لیتے، جو تم آتے

ذرا سا مسکرا لیتے، جو تم آتے

کسی کو دیکھنے بالکل نہیں دیتے

کہیں خود میں چھپا لیتے، جو تم آتے

تو پھر اب کیا ہوا جو روشنی کم ہے

کوئی جگنو بلا لیتے، جو تم آتے

اگر صحرا مِرا گھر ہے تو پھر کیا ہے

گلی دل کی سجا لیتے، جو تم آتے

تمہیں ، تم بھی میسر ہو نہیں پاتے

تمہیں تم سے چرا لیتے ، جو تم آتے

ہمیں اس درد میں تسکین مل جائے

یہ ہم تم سے دعا لیتے، جو تم آتے

زین شکیل

diya hum bhi jala lete, jo tum atay

zara sa muskura lete, jo tum atay

kisi ko dekhne bilkul nahi detay

kaheen khud main chupa lete, jo tum atay

to phr ab kya hua jo roshni kam hai

koi jugnu bula letay, jo tum atay

ahar sehra mera ghar hai to phir kya hai

gali dil ki saja lete, jo tum atay

tumhain, tum bhi muyassar ho nahi patay

tumhain tum se chura letay, jo tum atay

hamain is dard main taskeen mil jaye

yeh hum tum se dua letay, jo tum atay

Zain Shakeel

wo kon chup tha : poet zain shakeel

وہ کون چپ تھا؟

وہ کون چپ تھا؟

کہ جس کی آنکھیں جو بول اٹھتیں،

تو پھر جہاں کے سکوت سارے ہی ٹوٹ جاتے!

وہ کون ایسا گلِ صِفَت تھا؟

سبک خرامی تھی ختم جس پر

وہ ہولے ہولے سے اپنے نازک قدم جو رکھتا

تو راہگزر بھی مہک سی اٹھتی

وہ چاہتوں کی ردائیں اوڑھے جہاں ٹھہرتا

تو گھر بناتا محبتوں کے

جو گر نہ پاتے

نہ ٹوٹ سکتے تھے اس زمانے کی افراتفری کے موسموں میں

مگر زمانے گزر گئے ہیں

یہ کون چپ ہے؟

کہ جس کی چپ سے وجود گم ہے

اذیتوں میں

کوئی تو اس کو بتا کے آئے

کوئی تو اس کو پیام دے ناں

کوئی کہے ناں!

کوئی تو پوچھے!!!

وہ جس کے ہونے سے زندگی تھی

کہاں پہ گم ہے؟؟؟

یہاں پہ ہر سُو اداسیوں کا ہجوم کیوں ہے؟

فقط دکھوں کی لپیٹ کیوں ہے؟

زمیں فسادی بنی ہوئی ہے!

یہ آسماں بھی تو چڑچڑا سا ہوا ہے کیونکر؟

کوئی تو جا کر کہے ناں اس سے

نظر اٹھائے...

سکوت توڑے

وہ جو بھی جیسا بھی ہے وہ بولے

وہ کون چپ تھا؟ 

جو اپنی آنکھوں سے بے تحاشہ ہی بولتا تھا!

یہ کون چپ ہے؟ 

کہ جس کی آنکھوں میں رتجگوں کے عذاب ہیں بس

زین شکیل

tu mera sanwal dhol piya : poet zain shakeel

”تُو میرا سانول ڈھول پیا“

تری یاد میں کاٹوں رین پیا

گئی نیند، گیا سکھ چین پیا

تری ایک جھلک تک لینے کو

مرے ترس گئے دو نین پیا

میں خواب نگر کے پار گئی

اک بار نہیں ہر بار گئی

میں رو رو جیون ہار گئی

مجھے تیری جدائی مار گئی

ہر سمت خموشی طاری ہے

اور ہجر بھی ہر سو جاری ہے

ہر رات ترے بن بھاری ہے

اب جندڑی تجھ پر واری ہے

مجھے درد ملے انمول پیا

میں ہستی بیٹھی رول پیا

کبھی میرے دکھ سکھ پھول پیا

”تُو میرا سانول ڈھول پیا“

زین شکیل

"tu mera sanwal dhol piya"

teri yaad main kaaton rain piya

gayi neend, gya sukh chain piya

teri aik jhalak tak lene ko

mere taras gaye do nain piya

main khwaab nagar k paar gayi

ik baar nahi har baar gayi

main ro ro jeevan haar gayi

muje teri judayi maar gayi

har simt khamoshi taari hai

aor hijr bhi har soo jari hai

har raat tere bin bhari hai

ab jindri tujh per vaari hai

muje dard milay anmol piya

main hasti bethi roll piya

kabhi mere dukh sukh phol piya

tu mera sanwal dhol piya

Zain Shakeel

******************

Chalta phirta hua wo tum ne jo gham dekha tha : poet zain shakeel

چلتا پھرتا ہوا وہ تم نے جو غم دیکھا تھا

کون کہتا ہے کہ تم نے مجھے کم دیکھا تھا

آئینہ آج اٹھایا تو بہت روتے رہے

اپنی صورت کی جگہ ہم نے الم دیکھا تھا

آج کی رات وحی درد بھری اترے گی

آج پھر آپکی آنکھوں کو جو نم دیکھا تھا

اب جو ہر بات پہ روتے ہوئے ہنس دیتا ہے

جانے اس شخص نے کس طرز کا غم دیکھا تھا

تھام کر ہاتھ سلیقے سے گرا دیتے تھے

شہر والوں کا کئی بار کرم دیکھا تھا

عشق میں دو کا تصور نہیں ہو سکتا ناں

ہم نے اک ذات میں اک ذات کو ضم دیکھا تھا

زین شکیل

chalta phirta hua wo tum ne jo gham dekha tha

kon kehta hai k tum ne mujhay kam dekha tha

aina aaj uthaya to bohot rotay rahay

apni soorat ki jagah hum ne alam dekha tha

aaj ki raat wahi dard bhari utray gi

aj phir aapki ankhon ko jo num dekha tha

ab jo har baat pe rotay huye hans deta hai

janay us shakhs ne kis tarz ka gham dekha tha

thaam kar hath saleeqay se gira detay thay

sheher walon ka kayi baar karam dekha tha

ishq main do ka tassawur nahi ho sakta na

hum ne ik zaat main ik zaat ko zam dekha tha

Zain Shakeel

har taraf un k jalwon ki barsat hai, waah kya baat hai! : poet zain shakeel

ہر طرف ان کے جلووں کی برسات ہے، واہ کیا بات ہے!

آج چھٹنے کو پھر ابرِ ظلمات ہے، واہ کیا بات ہے!

حالتِ وجد میں پھر مری ذات ہے، واہ کیا بات ہے!

ان کے ہونٹوں پہ بس اک مری بات ہے، واہ کیا بات ہے!

آج پھر خواب میں ان کے ملنے کا مجھ کو اشارہ ملا

برگذیدہ بہت آج کی رات ہے، واہ کیا بات ہے!

گر مزاجِ محبت میں تلخی کا عنصر ذرا بھی نہ ہو

اہلِ دل کے لیے یہ بھی سوغات ہے، واہ کیا بات ہے!

بال شانوں پہ بکھرے ہوئے،آنکھ کجلائی، اُف کیا بنے!

حُسن بیٹھا لگا کر نئی گھات ہے، واہ کیا بات ہے!

دیر تک میری نظمیں پڑھیں اس نے پھر جھوم کر یہ کہا

ہائے کیا بات ہے! یار کیا بات ہے! واہ کیا بات ہے!

زین شکیل

har taraf un k jalwon ki barsat hai, waah kya baat hai!

aaj chatnay ko phir abr e zulmaat hai, waah kya baat hai!

haalat e wajd main phir meri zaat hai, waah kya baat hai!

un k honton pe bas ik meri baat hai, waah kya baat hai!

aaj phir khwab main un k milne ka mujh ko ishara mila

barguzeeda bohot aaj ki raat hai, waah kya baat ha!

gar mizaaj e muhabbat main talkhi ka ansar zara bhi na ho

ehl e dil k liye yeh bhi soghaat hai, waah kya baat hai!

baal shaanon pe bikhray huye, ankh kajlayi, uff kya banay!

husn betha laga kar nayi ghaat hai, waah kya baat hai!

der tak meri nazmen parheen us ne phir jhoom kar ye kaha

haye kya baat ha! yaar kya baat hai! waah kya baat hai!

Zain Shakeel

lagti hai har baar kasam se : poet zain shakeel

لگتی ہے ہر بار قسم سے

یہ دنیا بے کار قسم سے

اکثر بوجھ بنے رہتے ہیں

سارے رشتے دار قسم سے

دنیا بھی جھوٹی لگتی ہے

سچے ہیں بس یار قسم سے

دیکھو ناں بس میں کرتا ہوں

تم سے اتنا پیار قسم سے

تیرے میرے بیچ زمانہ

بن بیٹھا دیوار قسم سے

دل کملا، دل پاگل، جھلّا

آنکھیں زار و زار قسم سے

ہم دونوں کو آخر دے گا

یار! وچھوڑا مار قسم سے

زین شکیل

lagti hai har baar kasam se

yeh dunia bekaar kasam se

aksar bojh banay rehtay hain

saray rishtay daar kasam se

dunia bhi jhooti lagti hai

sachay hain bas yaar kasam se

dekho na bas main karta hon

tum se itna pyaar kasam se

tere mere beech zamana

ban betha deevar kasam se

dil kamla, dil pagal, jhalla

ankhen zaar o zaar kasam se

hum dono ko aakhir de ga

yaar! vichora maar kasam se

Zain Shakeel