زندگی ہو گئی ہے خفا ان دنوں
کوئی رہنے لگا ہے جدا ان دنوں
کاٹ کھانے کو دوڑے ہے یہ خامشی
کوئی دیتا نہیں ہے صدا ان دنوں
مستقل بن گئی سوچ حیرت کدہ
کر رہا ہے وفا، بے وفا ان دنوں
درد سارے مجھے راس آنے لگیں
دے رہا ہے کوئی یہ دعا ان دنوں
ڈھونڈنے لگ گیا ہوں میں خود کو کہیں
مجھ کو ملتا نہیں راستہ ان دنوں
ایک جھونکا تری یاد کا بھول کر
دینے آیا مجھے آسرا ان دنوں
آج سارے شہر کو خبر ہو گئی
زین میرا نہیں وہ رہا ان دنوں
زین شکیل
zindagi ho gayi hai khafa in dino
koi rehne laga hai juda in dino
kaat khanay ko dorray hai yeh khamshi
koi deta nahi hai sada in dino
mustaqil ban gayi soch herat kada
kar raha hai wafa, bewafa in dino
dard saray muje raas anay lagain
de raha hai koi yeh dua in dino
dhoondne lag gya hon main khud ko kaheen
mujh ko milta nahi raasta in dino
aik jhonka teri yaad ka bhool kar
dene aya muje aasra in dino
aaj saray sheher ko khabar ho gayi
zain mera nahi wo raha in dino
Zain Shakeel
No comments:
Post a Comment