آسمانوں سے بلایا بھی نہیں جا سکتا
اب ا سے حال سنایا بھی نہیں جا سکتا
وہ مناتا جو نہیں روٹھے ہوئے لوگوں کو
اس سے اب روٹھ کے جایا بھی نہیں جا سکتا
اس کو تاروں میں کوئی خاص نہیں دلچسپی
چاند کو توڑ کے لایا بھی نہیں جا سکتا
جس کی تعبیر میں ہاتھوں میں لئے پھرتا ہوں
اب اسے خواب میں لایا بھی نہیں جا سکتا
اُس سے ہم ترکِ تعلق بھی نہیں کر سکتے
بات کو اور بڑھایا بھی نہیں جا سکتا
تم نے تاخیر بہت کی ہے صدا دینے میں
مجھ سے اب لوٹ کے آیا بھی نہیں جا سکتا
زین شکیل
aasmanon se bulaya bhi nahi jaa sakta
ab usay haal sunaya bhi nahi jaa sakta
wo manata jo nahi rothay huye logon ko
us se ab rooth k jaya bhi nhi jaa sakta
us ko taron main koi khaas nahi dil chaspi
chaand ko torr k laya bhi nhi jaa sakta
jis ki tabeer main hathon main liye phirta hon
ab usay khwaab main laya bhi nhi jaa sakta
us se hum tark e taaluq bhi nahi kar saktay
baat ko aor barhaya bhi nhi jaa sakta
tum ne takheer bht ki hai sada dene main
mujh se ab loat k aya bhi nhi jaa sakta
Zain Shakeel
No comments:
Post a Comment