Allah jan : poet zain shakeel

!اللہ جان

پھرتے ہیں دیوانے لے کر لب پر یہی سوال

اللہ جان! محبت بھیجیں! اس نگری میں کال

اللہ جان! یہ کیسی نگری، ہر سُو درد ہوائیں

رگ رگ اندر شور مچاویں، دل کا درد بڑھائیں

اللہ جان! دریدہ سوچیں لینے دیں نہ چین

بے چینی کی میخیں گڑ گئیں سانسوں کے مابین

اللہ جان !ہمارا پریتم مدت سے مہجور

اکھیاں ترسیں دیکھن کو پر سانول ہم سے دور

اللہ جان! مصیبت بھاری جندڑی ہے کمزور

اک لاوا بے چینی کا ، اک کرے اداسی شور

اللہ جان! زمانے گزرے آنکھیں بھی بے نور

اکھیوں میں ہے آبِ نداست ہم جو آپ سے دور

اللہ جان !یہاں ہر جانب جھوٹوں کے ہیں جال

صادق، سُچّے لب تھے جن پر چُپ کا پڑ گیا تال

اللہ جان! بکھیریں اپنی رحمت کےسب رنگ

قلبِ آلودہ سے اترے اب دنیا کا زنگ

اللہ جان ! ہوئے ہم عاجز اکھیاں زار و زار

آپ کے بن ہم بے حالوں کی سنے گا کون پکار

اللہ جان! جہانوں اندر آپ کا اونچا نام

اب اپنے محبوبؐ کے صدقے بھیجیں سکھ پیغام

روح تلک میں پھیلی نفرت ،جندڑی ہوئی وبال

!اللہ جان! محبت بھیجیں! اس نگری میں کال۔۔۔

زین شکیل

muhabbat thi yeh nadaani nahi thi : poet zain shakeel

محبت تھی یہ نادانی نہیں تھی

ہمیں تو خود پہ حیرانی نہیں تھی

مرے دل سے محبت تھی اسے بس

مری صورت کی دیوانی نہیں تھی

محبت میں بڑی کٹھنائیاں تھیں

میسر کوئی آسانی نہیں تھی

بڑا ہی متقی لہجہ تھا اس کا

بس اس کی بات یزدانی نہیں تھی

تمہاری آنکھ نم ہونے سے پہلے

ہمیں کوئی پریشانی نہیں تھی

بقا ملتی تو تم کو سونپ دیتے

ہماری عمر لافانی نہیں تھی

زین شکیل

muhabbat thi yeh nadaani nahi thi

hamain to khud pe heraani nahi thi

mere dil se muhabbat thi usay bas

meri soorat ki deevani nahi thi

muhabbat main bari kathnaiyan theen

muyassar koi aasani nahi thi

bara hi muttaqi lehja tha uska

bas us ki baat yazdaani nahi thi

tumhari ankh num hone se pehle

hamain koi pareshani nahi thi

baqaa milti to tum ko sonp detay

hamari umer laafani nahi thi

Zain Shakeel 

meri har baat pe heran na hona pagal : poet zain shakeel

میری ہر بات پہ حیران نہ ہونا پاگل

کچھ بھی ہو جائے پریشان نہ ہونا پاگل

جیسے میں ٹوٹے ہوئے خواب لیے پھرتا ہوں

اس طرح تم کبھی ویران نہ ہونا پاگل

لوگ پھر اور مصائب میں دھکیلیں گے تمہیں

ہر کسی کے لیے آسان نہ ہونا پاگل

تیری وسعت مجھے تسکین عطا کرتی ہے

یوں ہرے رہنا بیابان نہ ہونا پاگل

مجھ کو آواز کبھی دو گے تو لوٹ آؤں گا

مطمئن رہنا پریشان نہ ہونا پاگل

ایسے تنہائی میں رہ کر نہ گنوانا خود کو

اپنے ہی واسطے نقصان نہ ہونا پاگل

زین شکیل

meri har baat pe heran na hona pagal

kuch b ho jaye pareshan na hona pagal

jese main tootay huye khwaab liye phirta hon

is tarah tum kabi veeran na hona pagal

loag phir aor masayeb main dhakelain gya tumhain

har kisi k liye aasan na hona pagal

teri wus'at muje taskeen ata karti hai

youn haray rehna beyabaan na hona pagal

muj ko awaz kabi do gay to loat aon ga

mutmain rehna pareshan na hona pagal

aisay tanhai main reh kar na ganwana khud ko

apne hi wastay nuqsan na hona pagal

Zain Shakeel

jaa baja bikharti hai shab udas logon ki : poet zain shakeel

جابجا بکھرتی ہے شب اداس لوگوں کی

آنکھ میں اترتی ہے شب اداس لوگوں کی

بادلوں میں رکھتی ہے دکھ کئی زمانوں کے

دیر تک برستی ہے شب اداس لوگوں کی

چھپ کے ایک تکیے میں اشک روتے رہتے ہیں

اس طرح گزرتی ہے شب اداس لوگوں کی

درد شب اسیروں سے خوب عشق کرتا ہے

درد میں نکھرتی ہے شب اداس لوگوں کی

بے قرار حالت میں مضطرب سے اس دل کے

صحن میں ٹہلتی ہے شب اداس لوگوں کی

بے کلی کے مارے یہ دن کا بین سنتے ہیں

آہ بھرتی رہتی ہے شب اداس لوگوں کی

زین شکیل

jaa baja bikharti hai shab udas logon ki

ankh main utarti hai shab udas logon ki

badlon main rakhti hai dukh kayi zamanon k

der tak barasti hai shab udas logon ki

chup k aik takiye main ashk rotay rehtay hain

is tarah guzarti hai shab udaas logon ki

dard shab aseeron se khoob ishq karta hai

dard main nikharti hai shab udaas logon ki

be qaraar haalat main muztarib se is dil k

sehen main tehelti hai shab udaas logon ki

be kali k maray yeh din ka bain suntay hain

aah bharti rehti hai shab udas logon ki

Zain Shakeel

dil machalnay laga hai bolo kuch : poet zain shakeel

دل مچلنے لگا ہے بولو کچھ

چاند ڈھلنے لگا ہے بولو کچھ

درد مجبور آدمی بن کر

ہاتھ ملنے لگا ہے بولو کچھ

کون ہے بن کے میرا سایہ جو

ساتھ چلنے لگا ہے بولو کچھ

تم جو بولے تو چین آیا تھا

درد ٹلنے لگا ہے، بولو کچھ

زین شکیل

dil machalnay laga hai bolo kuch

chaand dhalnay laga hai bolo kuch

dard majboor admi ban kar

hath malne laga hai bolo kuch

kon hai ban k mera saya jo

sath chalne laga hai bolo kuch

tum jo bolay to chain aya tha

dard talnay laga hai bolo kuch

Zain Shakeel

herat e ishq se niklon to kidhar jaon main : poet zain shakeel

حیرتِ عشق سے نکلوں تو کدھر جاؤں میں
ایک صورت نظر آتی ہے جدھر جاؤں میں

یہ بھی ممکن ہے کہ ہر سانس سزا ہو جائے
ہو بھی سکتا ہے جدائی میں سنور جاؤں میں

یوں مسلسل مجھے تکنے کی نہ عادت ڈالو
یہ نہ ہو آنکھ جو جھپکو تو بکھر جاؤں میں

کیا ترے دل پہ قیامت بھی بھلا ٹوٹے گی؟
گر تجھے دیکھ کے چپ چاپ گزر جاؤں میں

دیکھو انجام تو دینے ہیں امورِ دنیا
جی تو کرتا ہے ترے پاس ٹھہر جاؤں میں

تھام رکھا ہے جو تُو نے تو سلامت ہے بدن
تُو اگر ہاتھ چھڑا لے تو بکھر جاؤں میں

جس قدر بگڑا ہوا ہوں میں یہی سوچتا ہوں
کب ترے ہاتھ لگوں اور سُدھر جاؤں میں

کون ہے ، بول مرا، میری اداسی ! تجھ بن
تُو بھی گر پاس نہ آئے تو کدھر جاؤں میں

یہ مری عمر فقط چاہ میں تیری گزرے
مر نہ جاؤں جو ترے دل سے اتر جاؤں میں

زین شکیل

herat e ishq se niklon to kidhar jaon main
aik soorat nazar ati hai jidhar jaon main

yeh bhi mumkin hai k har saans saza ho jaye
ho bhi sakta hai judayi main sanwar jaon main

youn musalsal muje taknay ki na adat dalo
yeh na ho aankh jo jhapko to bikhar jaon main

kya tere dil pe qayamat bhi bhala tootay gi?
gar tujhay dekh k chup chaap guzar jaon main

dekho anjaam to dene hain amoor e dunia
jee to karta hai tere paas theher jao main

thaam rakha hai jo tu ne to salamat hai badan
tu agar hath churra le to bikhar jaon main

jis qadar bigra hua hon main yehi sochta hon
kab tere hath lagon aor sudhar jaon main

kon hai bol mera, meri udaasi tujh bin
tu bhi gar paas na aye to kidhar jaon main

yeh meri umr faqat chaah main teri guzray
mar na jaon jo tere dil se utar jaon main

Zain Shakeel

wo thi kon : poet zain shakeel

وہ تھی کون اک

ملکہءِ عالیہ، 

دل محل میں سجے تخت پر جو کہ 

مرجان، یاقوت، موتی، زمرّد، عقیقِ یمن سے جڑے تخت سے بھی حسیں تھا

وہ مسند نشیں تھی۔۔۔۔۔

وہ پہنے ہوئے پریم کا تاج سر پر

لبوں سے لٹاتی رہی تھی جواہر محبت کے احساس میں جو بندھے تھے

وہ تھی کون ایسی 

کہ جس کی نگاہوں کا منتر بدن توڑ دیتا تھا

وہ جس کے گالوں کا بس سانولا پن ہی کافی تھا محشر اٹھانے کی خاطر

وہ تھی کون جس کی ہر اک بات

میٹھی تھی، لہجہ بھی شیرینیوں سے بھرا تھا

وہ دل کش وہ دل سوز اور دل گدازی کی حد سے سوا تھی

وہ تھی کون ایسی کہ 

اب جو نہیں ہے تو لگتا ہے کچھ بھی نہیں ہے

یہاں بھی، وہاں بھی، کہیں بھی مکاں میں

کہیں لامکان میں اگر ہے بھی کچھ تو 

وہ فہم و فراست، وہ وجدان کی حد سے بس ماورا ہے

سو اس سے شروع تھا سبھی کچھ 

سبھی کچھ وہیں کا وہیں آ گیا ہے

وہ تھی کون آغاز تھی 

جو کہ انجام ہے اب

وہ تھی کون جس کے لیے لفظ شرمندہ شرمندہ سے ہیں ابھی

جو کبھی بھی نہیں تھے 

مگر اب تو آبِ نداست بہانا بھی بے سُود ہے

وہ جو تھی ملکہِ عالیہ

دل محل کی مکیں

اور اکلوتی وارث،

کہیں بھی نہیں ہے!!

مگر دل محل بھی تو اب اک کھنڈر میں ہی تبدیل سا ہو چکا ہے

وہ جو بھی تھی بس اس کے ہونے سے میں بادشاہ تھا 

اور احساس و جذبات کی سلطنت پر حکومت چلاتا رہا تھا

میں اس کی محبت کے سر سبز باغات، 

اس کی سبھی کائناتوں کا بھی اور سبھی موسموں کا 

بس اکلوتا میں بادشاہ تھا۔۔ 

مگر اب نہیں ہوں ،،، 

نہیں ہوں۔۔۔

میں کچھ بھی نہیں ہوں۔۔۔۔۔۔۔۔۔۔

زین شکیل

yehi malal muje bolne nahi deta : poet zain shakeel

یہی ملال مجھے بولنے نہیں دیتا

تمہارا حال مجھے بولنے نہیں دیتا

بہت خوشی میں بہت ہی اداس رہتا ہوں

غموں کا کال مجھے بولنے نہیں دیتا

تمہاری یاد بہت چیختی ہے آ آ کر

کوئی خیال مجھے بولنے نہیں دیتا

وہ میرے حق میں بھی قفلِ زبان توڑے گا

یہ احتمال مجھے بولنے نہیں دیتا

مری نظر سے وہ ہر بات جان لیتا ہے

یہی کمال مجھے بولنے نہیں دیتا

میں بولتا تو قسم سے شہر میں چھا جاتا

کوئی وبال مجھے بولنے نہیں دیتا

وہ جب بھی پوچھتا ہے خواب کیوں سجاتے ہو

تو یہ سوال مجھے بولنے نہیں دیتا

زین شکیل

yehi malal muje bolne nahi deta

tumhara haal muje bolne nahi deta

bohot khushi main bohot hi udas rehta hon

ghamon ka kaal muje bolne nahi deta

tumhari yaad bohot cheekhti hai aa aa kar

koi khyaal muje bolne nahi deta

wo mere haq main bhi qufl e zaban torray ga

yeh ehtamaal muje bolne nahi deta

meri nazar se wo har baat jaan leta hai

yehi kamaal muje bolne nahi deta

main bolta to qasam se sheher pe chaa jata

koi vabaal muje bolne nahi deta

wo jab bhi puchta hai khwaab kiu sajatay ho

to yeh sawaal muje bolne nahi deta

Zain Shakeel