pheli hai jo ankhon main wo laali to nahi hai : poet zain shakeel

پھیلی ہے جو آنکھوں میں وہ لالی تو نہیں ہے

موجود ہے تُو دل میں خیالی تو نہیں ہے

تعویز محبت سے بچاؤ کا بھلا کیوں؟

میں نے یہ مصیبت کبھی پالی تو نہیں ہے

دل تیرے تبسم کا طلبگار رہا ہے

ورنہ وہ کسی در کا سوالی تو نہیں ہے

میں خاص سے لوگوں میں بڑا عام ہوں لیکن

توخوب سہی اتنا مثالی تو نہیں ہے

چاہا ہے مجھے اُس نے محبت سے بھی زیادہ

کیا یہ بھی مری خام خیالی تو نہیں ہے؟

واقف ہوں فقط میں ہی نگاہوں کے ہنر سے

یہ بات کہیں تو نے اچھالی تو نہیں ہے؟

میں نے تو ترے خط بھی جلائے نہیں اب تک

تو نے بھی کوئی یاد سنبھالی تو نہیں ہے؟

شاید تری دستک سے ہی کھل جائے کوئی دَر

اب زینؔ یہاں گھر کوئی خالی تو نہیں ہے

زین شکیل

pheli hai jo ankhon main wo laali to nahi hai

mojood hai tu dil main khyali to nahi hai

taveez muhabbat se bachao ka bhala kiu

main ne ye museebat kabhi paali to nahi hai

dil tere tabassum ka talabgaar raha hai

tu khoob sahi itna misaali to nahi hai

chaha hai muje us ne muhabbat se bhi ziyada

kya yeh bhi meri khaam khyaali to nahi ha

waqif hu faqat main hi nigahon k hunar se

yeh baat kahin tu ne uchaali to nahi hai

main ne to tere khatt bhi jalaye nahi ab tk

tu ne bhi koi yaad sambhaali to nahi hai?

shayed teri dastak se hi khul jaye koi dar

ab zain yahan ghar koi khaali to nahi hai

Zain Shakeel