تمہاری یاد اتاری ہے دور تک خود میں
اداس ہونے کی صورت نکال لی میں نے
تم آؤ کام سبھی کل پہ ڈال دیتا ہوں
تمہارے واسطے فرصت نکال لی میں نے
نہیں تھا خواب میں بھی حوصلہ بچھڑنے کا
سو خواب سے تری فرقت نکال لی میں نے
وہ پوچھ بیٹھا تھا کیا لائے ہو مری خاطر
تو جھٹ سے ساری محبت نکال لی میں نے
زین شکیل
tumhari yaad utaari hai door tak khud main
udaas hone ki soorat nikaal li main ne
tum ao kaam sabhi kal pe daal deta hon
tumharay vastay fursat nikaal li main ne
nahi tha khwaab main bhi hosla bicharne ka
so khwaab se teri furqat nikaal li main ne
wo puch betha tha kya laye ho meri khatir
to jhat se sari muhabbat nikaal li main ne
Zain Shakeel
