kuch bhi ho saktay thy, taskheer nahi hona tha : poet zain shakeel

کچھ بھی ہو سکتے تھے، تسخیر نہیں ہونا تھا

ہم کو یوں درد کی تصویر نہیں ہونا تھا

وہ تو تم آئے تو تھوڑا سا یقیں پختہ ہوا

ہم نے تو قائلِ تقدیر نہیں ہونا تھا!

حوصلہ ہار کے جینا بھی کوئی جینا ہے

گر ہی پڑنا تھا تو تعمیر نہیں ہونا تھا

پاگلا !دیکھتے رہنا تھا روانی کو فقط

ایسے، دریا سے بغلگیر نہیں ہونا تھا

چاہتے ہم تو تجھے روک ہی لیتے لیکن

یوں ترے پائوں کی زنجیر نہیں ہونا تھا

میں جو رانجھا نہ ہوا اس پہ گلہ کیوں لوگو

اُس نے ویسے بھی مری ہیر نہیں ہونا تھا

جیسے اُس شخص کی، اشکوں سے کہانی لکھی

زین یوں اُس نے تو تحریر نہیں ہونا تھا

زین شکیل

kuch bhi ho saktay thy, taskheer nahi hona tha

hum ko youn dard ki tasveer nahi hona tha

wo to tum aye to thora sa yakeen pukhta hua

hum ne to qayel e taqdeer nahi hona tha

hosla haar k jeena bhi koi jeena hai

gir hi parna tha to tameer nahi hona tha

pagla! dekhtay rehna tha rawani ko faqat

aisay, darya se baghalgeer nahi hona tha

chahtay hum to tujhay rok hi letay lekin

youn tere paon ki zanjeer nahi hona tha

main jo ranjha na hua is pe gila kiu logo

us ne wese bhi meri heer nahi hona tha

jese us shakhs ki, ashkon se kahani likhi

zain youn us ne to tehreer nahi hona tha

Zain Shakeel

waqt bhi kya ajeeb shay hai naa : poet zain shakeel

وقت بھی کیا عجیب شے ہے ناں

وقت بھی کیا عجیب شے ہے ناں

مانتا ہی نہیں روایت کو

شدتوں کو زوال آتا ہے

لوگ بھی ایک سے نہیں رہتے

بات گر اک جگہ سے نکلے تو

وہ بھی چہرے بدلتی رہتی ہے

زلف کالی گھنی، سنہری ہو

اس میں چاندی اُتر ہی آتی ہے

لوگ جو پیار کرنے والے ہوں

ان کا شیرینیوں بھرا لہجہ

رفتہ رفتہ بدلتا جاتا ہے

رنگ رُخ کا پگھلتا جاتا ہے

اور پھر تم بھی کون ایسے ہو

جو امر ہو، سدا رہو گے تم

کب تلک مجھ کو خط لکھو گے تم

ساتھ کب تک مرے ہنسو گے تم

وقت بھی کیا عجیب شے ہے ناں

اس کو ڈھلنا ہے ڈھل ہی جائے گا

رنگ کیا کیا ہمیں دکھائے گا

تم پریشان بس نہیں ہونا

میں اگر سنگ چل نہیں پاؤں

میں اگر ساتھ رہ نہیں پاؤں

سارے الزام میرے سر لکھنا

میری مجبوریاں بھلا دینا

تم مجھے صرف بے وفا لکھنا

تم مِری چاہتوں کو چاہو تو

تم مِرے رابطوں کو چاہو تو

بے وفائی کی انتہا لکھنا

اور مجھ کو بہت بُرا لکھنا

مجھ کو لیکن یقین ہے اک دن

جب کبھی تم اُداس بیٹھو گے

جب مِرے دکھ تمہیں ستائیں گے

مدتوں بعد جب مری باتیں

تم کسی اور کو سناؤ گے

اور کافی کا گھونٹ بھرتے ہوئے

آخری بات یہ کہو گے تم

وقت بھی کیا عجیب شے ہے ناں

ہونٹ دھیرے سے کپکپائیں گے

پھر پُر اسرار سی ہنسی آ کر

ایسے ہونٹوں پہ بیٹھ جائے گی

اک نمی وقت کی بَلی چڑھ کے

یونہی آنکھوں میں پھیل جائے گی

وقت بھی کیا عجیب شے ہے ناں

زین شکیل

dharkanon ka seenay main kab se bain jari hai, kitni sogawaari hai : poet zain shakeel

دھڑکنوں کا سینے میں کب سے بین جاری ہے، کتنی سوگواری ہے!

غم کی سسکیاں لے کر بے کلی پکاری ہے، کتنی سوگواری ہے!

جب بھی وہ ملے مجھ سے حال چال کے بدلے پوچھتا ہے بس اتنا

یار یہ بتاؤ تم، کتنی بےقراری ہے؟ کتنی سوگواری ہے؟

اک ملنگ نے مجھ سے یہ کہا کہ لوگوں میں آیا جایا کر پاگل!

جزوِ لازمی ہے ناں یہ جو دنیا داری ہے، کتنی سوگواری ہے!

کوئی کیسے سمجھے گا کس طرح گزرتے ہیں رات دن اذیت میں

زینتِ مقدر ہے جتنی آہ و زاری ہے، کتنی سوگواری ہے!

شام ہے، اداسی ہے، روح بھی تو پیاسی ہے، بات گو ذرا سی ہے

چاند ہے گواہ کیسے میں نے شب گزاری ہے، کتنی سوگواری ہے

میں تو خود پریشاں ہوں جو بھی ہو گیا رخصت لوٹ کر نہیں آیا

اک مرا اکیلا پن اور ہجر جاری ہے، کتنی سوگواری ہے!

اِس کے پاس آنے سے ہاتھ بھی ملانے سے ڈر رہے تھے سارے لوگ

وہ جو اپنے اندر تک ہم نے خود اتاری ہے، کتنی سوگواری ہے!

زین شکیل

dharkanon ka seenay main kab se bain jari hai, kitni sogawaari hai

gham ki siskiyan le kar be kalli pukari hai, kitni sogawaari hai

jab bhi wo milay mujh se haal chaal k badlay puchta hai bas itna

yaar yeh batao tum, kitni beqarari hai, kitni sogawaari hai?

ik malang ne muj se, yeh kaha k logon main, aya jaya kar pagal

juzv e lazmi hai naa, yeh jo dunia dari hai, kitni sogawaari hai

koi kese samjhay ga kis tarah guzartay hain raat din azziyat main

zeenat e muqadar hai, jitni aah o zaari hai, kitni sogawaari hai

shaam hai udasi hai, rooh bhi to pyasi hai, baat go zara c hai

chaand hai gawah kese, main ne shab guzari hai, kitni sogawaari hai

main to khud pareshan hon jo bhi ho gya rukhsat, loat kr nahi aya

ik mera akela pan aor hijr jaari hai, kitni sogawaari hai

is k pas anay se hath bhi milanay se, dar rahay thay saray loag

wo jo apne andar tak, hum ne khud utari hai, kitni sogawaari hai

Zain Shakeel

sisak raha tha mera ik sawal tu chup tha : poet zain shakeel

سسک رہا تھا مِرا اک سوال، تُو چپ تھا

رہا تھا دل میں یہی اک ملال، تُو چپ تھا

اداس کرتی گئیں وہ تری اداس آنکھیں

میں پوچھتا بھی رہا حال چال، تُو چپ تھا

میں جب بلند رہا تو بھی ہمکلام رہا

سو مجھ پہ آن پڑا جب زوال، تُو چپ تھا

جو تیرا ثانی مجھے مل گیا تو شکوہ کیوں؟

میں ڈھونڈتا تھا تری جب مثال، تُو چپ تھا

اب اپنے درد کا کیونکر ڈھنڈورا پیٹتا ہے؟

میں کر رہا تھا جو تب اندمال، تُو چپ تھا

مرا دریدہ بدن دیکھ کر نہ اب رونا

کہا تھا کر لے مری دیکھ بھال، تُو چپ تھا

مِرے بدن کے تجھے زخم اب ستاتے ہیں

میں دکھ کی اوڑھے ہوئے جب تھا شال، تُو چپ تھا

تجھے ہی شام و سحر کا حساب دیتے ہوئے

گزر گیا تھا مرا ایک سال، تُو چپ تھا

یہ تیرے اور مِرے ربط کے مٹانے کو

زمانہ چلتا رہا ایک چال، تُو چپ تھا

زین شکیل

sisak raha tha mera ik sawal tu chup tha

raha tha dil ma yehi ik malal tu chup tha

udas karti gayeen wo teri udas ankhen

main poochta bhi raha haal chaal tu chup tha

main jab buland raha tu bhi hamkalam raha

so muj pe aan para jab zawaal tu chup tha

jo tera saani muje mil gya to shikwa kiu?

main dhoondta tha teri jab misaal tu chup tha

ab apne dard ka kiu kar dhandora peet'ta hai

main kar raha tha jo tab indamaal tu chup tha

mera dareeda badan dekh kar a ab rona

kaha tha kar le meri dekh bhaal tu chup tha

mere badan k tuje zakhm ab satatay hain

main dukh ki orhay huye jab tha shaal tu chup tha

tuje hi shaam o sahar ka hisaab detay huye

guzar gya tha mera aik saal tu chup tha

ye tere aor mere rabt k mitanay ko

zamana chalta raha aik chaal tu chup tha

Zain Shakeel

dukh aasaan hua : poet zain shakeel

دکھ آسان ہوا

دکھ آسان ہوا من موہن

دکھ آسان ہوا۔۔۔

سُکھ کی پِیڑ سہی نہ جاوے

ہر ہر سانس وبال

خون رِسے زخمی خوابوں سے

رو رو اکھیاں لال

جیون سُکھ کا راگ الاپے

بے سُر اور بے تال

اک مسکان کے بدلے پاویں

سو سو رنج ملال

اِس پر تیری یادیں ہم سے

سو سو کریں سوال

چاہ، پریم کے ہر سودے میں بھی نقصان ہوا من موہن

دکھ آسان ہوا ہم کو

اب دکھ آسان ہوا۔۔

زین شکیل

zakhm saray hi bhar diye main ne : poet zain shakeel

زخم سارے ہی بھر دیے میں نے

سُکھ تری سمت کر دیے میں نے

وہ مرے سنگ تھا اداس تو پھر

رابطے ختم کر دیے میں نے

دکھ اٹھائے تو اپنے سارے سُکھ

اس کی چوکھٹ پہ دھر دیے میں نے

اب تم آئے ہو خواب لینے کو

جانے کس کو کدھر دیے میں نے

نوچتی تھیں بدن تری یادیں

ان کے ناخن کتر دیے میں نے

اب تجھے صبح تک ستائے گی

رات کے کان بھر دیے میں نے

زین وہ یاد بھی نہ رکھے گا

جتنے احسان کر دیے میں نے

زین شکیل

zakhm saray hi bhar diye main ne

sukh teri simt kar diye main ne

wo mere sung tha udas to phir

rabtay khatm kar diye main ne

dukh uthaye to apne saray sukh

us ki chokhat pe dhar diye main ne

ab tum aye ho khwaab lene ko

janay kis ko kidhar diye main ne

nochti theen badan teri yaden

in k nakhun kuttar diye main ne

ab tujhay subha tak sataye gi

raat k kaan bhar diye main ne

zain wo yaad bhi na rakhay ga

jitne ehsaan kar diye main ne

Zain Shakeel

ehd e narasayi main : poet zain shakeel

عہدِ نارسائی میں

عہدِ نارسائی میں، خوابِ زندگی لے کر

دور تک بھٹکتے تھے

جانتے تو تم بھی تھے

راکھ راکھ ہو کر بھی، خاک خاک ہو کر بھی

ہاتھ کچھ نہیں آتا

خواب کی مسافت ہے، ہاتھ خالی رہتے ہیں

مانتے تو تم بھی تھے

اور باوجود اس کے نیند کو لٹا کر بھی

چین کو گنوا کر بھی

ہر شبِ عبادت میں، زار زار اکھیوں کے

اشک رکھ ہتھیلی میں

ہچکیوں کے پھندے میں، میرا نام لے لے کر

مجھ کو اپنے مولا سے

مانگتے تو تم بھی تھے

عشق کے عقیدے میں، فہم کیا؟ فراست کیا؟

کارِ عقل کیا معنی؟

عشق کے مخالف گر لاکھ ہی دلیلیں ہوں

جس قدر حوالے ہوں، مستند نہیں ہوتے

مانتے تو تم بھی تھے

اور ساری دنیا سے، پھر چھڑا کے دامن کو

میری ذات میں آ کر، خود کو سونپ دینے کا

سوچتے تو تم بھی تھے!

اب کی بات چھوڑو تم

اب میں کچھ نہیں کہتا

کچھ نہیں کہوں گا میں

اب فقط سہوں گا میں

اب تو چپ رہوں گا میں

کچھ گلہ نہیں تم سے

یاد بس دلایا ہے

اس طرح سے ہوتا تھا

عہدِ نارسائی میں

اب میں کچھ نہیں کہتا

زین شکیل

be zabanon se kisi torr sadayen mangon : poet zain shakeel

بے زبانوں سے کسی طور صدائیں مانگوں

شوق سے اپنے لیے روز سزائیں مانگوں

تو بھی کیوں ایک ہی امید لگائے رکھے

میں بھی کب تک ترے ملنے کی دعائیں مانگوں

شاید اب یوں ہی اندھیروں سے نکل آئوں میں

سوچتا ہوں ترے چہرے کی ضیائیں مانگوں

ہجر کی دھوپ کڑی جب بھی جلاتی ہے بدن

میں تڑپ کر ترے دامن کی ہوائیں مانگوں

پہلے خود جرمِ محبت کی سزا ئیں مانگیں

اب بتائو کہ میں کس منہ سے جزائیں مانگوں

تُو بھی کیا سادہ ہے لوگوں پہ یقیں کرتا ہے

جا تری خیر رہے، رب سے دعائیں مانگوں

زین شکیل

be zabanon se kisi torr sadayen mangon

shoq se apne liye roz sazayen mangon

tu bhi kiu aik hi umeed lagaye rakhay

main bhi kab tak tere milne ki duayen mangon

shayed ab younhi andheron se nikal aon main

sochta hon tere chehray ki zeyayen mangon

hijr ki dhoop karri jab bhi jalaati hai badan

main tarrap kar tere daaman ki hawayen mangon

pehle khud jurm e muhabbat ki sazayen chaheen

ab batao k main kis mou se jazayen mangon

tu bhi kya sada hai logon pe yakeen karta hai

jaa teri kher rahay, rab se duayen mangon

Zain Shakeel

meri yade sambhal rakhtay naa : poet zain shakeel

میری یادیں سنبھال رکھتے ناں

کچھ تو میرا خیال رکھتے ناں

اس طرح چیخنے سے کیا ہوگا

کوئی خود میں کمال رکھتے ناں

واقعی روئے تھے مری خاطر؟

اپنی آنکھیں تو لال رکھتے ناں

دوریاں بے سبب بڑھیں اپنی

رابطہ تو بحال رکھتے ناں

زین شکیل

meri yade sambhal rakhtay naa

kuch to mera khyal rakhtay naa

is tarah cheekhne se kya hoga

koi khud main kamaal rakhtay naa

wakay e roye thay meri khatir?

apni ankhen to laal rakhtay naa

dooriyan be sabab barheen apni

raabta to bahaal rakhtay naa

Zain Shakeel

pyara hai dilruba hai wo chahain nahi to kya karen : poet zain shakeel

پیارا ہے، دلربا ہے وہ چاہیں نہیں تو کیا کریں

پھیلا ہے چار سو وہی سوچیں نہیں تو کیا کریں

نازوں سے پاس آئے گا، لاڈوں سے وہ منائے گا

ایسی ادائیں دیکھ کر، روٹھیں نہیں تو کیا کریں

پوچھا تھا اس نے آج یہ روتے ہو کیوں تو یہ کہا

دکھ وہ جو بے حساب ہیں، بھولیں نہیں، تو کیا کریں

وہ کوئی چاند تو نہیں ابر میں جا چھپے گا جو

نظروں سے ہٹ نہ پائے وہ، دیکھیں نہیں تو کیا کریں

کہتا ہے بس جدا ہمیں، سارے شہر سے اِک وہ شخص

سارے ہی لوگ اب ہمیں پرکھیں نہیں تو کیا کریں

رگ رگ میں دوڑتا ہے جو، سانسوں میں جس کا وِرد ہے

جاں سے اسے عزیز تر، مانیں نہیں تو کیا کریں

زین شکیل

pyara hai dilruba hai wo chahain nahi to kya karen

phela hai chaar soo wohi sochain nahi to kya karen

nazon se paas aye ga, laadon se wo manaye ga

aisi adayen dekh kar, roothen nahi to kya karen

pucha tha us ne aaj yeh rotay ho kiu to yeh kaha

dukh wo jo be hisaab hain, bhoolen nahi to kya karen

wo koi chaand to nahi abr main jaa chupay ga jo

nazron se hatt na paye wo, dekhen nahi to kya karen

kehta hai bas juda hamain, saray sheher se ik wo shakhs

saray ho loag ab hamain parkhen nahi to kya karen

rag rag main dorta hai jo, sanso main jiska vird hai

jan se usay azeez tar, manen nahi to kya karen

Zain Shakeel