دل کی کوئی بھی بات بتایا نہ کر مجھے
میں نے کہا بھی تھا کہ ستایا نہ کر مجھے
ڈرتا ہوں میری لو سے ترا گھر نہ جل اٹھے
شب میں دیا جلا کے بلایا نہ کر مجھے
میں خود بھی دیکھتا ہوں اداسی کے خال و خد
قصے اداسیوں کے سنایا نہ کر مجھے
پھولوں نے مستعار لیا تھا مرا بدن
پھولوں کی نازکی سے چرایا نہ کر مجھے
خود آپ اپنے شوق سے بکھرا ہوں دشت میں
چن چن کے میری خاک، اٹھایا نہ کر مجھے
میں خط نہیں کہ آگ مٹا دےوجودِمَن
ٹکڑوں میں چاہے بانٹ، جلایا نہ کر مجھے
میں گیت تو نہیں ہوں مجھے بھول بھال جا
اپنے حسیں لبوں پہ سجایا نہ کر مجھے
زین شکیل
dil ki koi bhi baat bataya na kar mujhay
main ne kaha bhi tha k sataya na kar mujhay
darta hon meri lou se tera ghar na jal uthay
shab main diya jala k bulaya na kar mujhay
main khud bhi dekhta hu udaasi k khaal o khad
qissay udasiyon k sunaya na kar mujhay
phoolon ne musta'aar liya tha mera badan
phoolon ki nazuki se churaya na kar mujhay
khud aap apne shoq se bikhra hon dasht main
chun chun k meri khaak uthaya na kar mujhay
main khat nahi k aag mita de wajood e mann
tukron main chahay baant jalaya na kar mujhay
main geet to nahi hon mujhay bhool bhaal jaa
apne haseen labon pe sajaya na kar mujhay
Zain Shakeel
No comments:
Post a Comment