تیرے پہلو میں شام کرتا ہوں
رات کا اہتمام کرتا ہوں
مانتا ہوں میں ہجر کو مرشد
ہجر کا احترام کرتا ہوں
اک تجھے یاد پھرتری باتیں
بس یہی ایک کام کرتا ہوں
مور کے پنکھ ہیں کتابوں میں
حسن کا احترام کرتا ہوں
یار بدلے ہوئے ہیں سو میں بھی
دور سے ہی سلام کرتا ہوں
لفظ ہونٹوں پہ آ نہیں پاتے
جب بھی تم سے کلام کرتا ہوں
ہے محبت مجھے پرندوں سے
زین میں نیک کام کرتا ہوں
زین شکیل
tere pehlu main shaam karta hon
raat ka ehtamaam karta hon
manta hon main hijr ko murshad
hijr ka ehtaram karta hon
ik tujay yaad phr teri baten
bas yehi aik kaam karta hon
morr k pankh hain kitabon main
husn ka ehtaram karta hon
yaar badlay huye hain so main bhi
door se hi salam karta hon
lafz honton pe aa nahi saktay
jab bhi tum se kalaam karta hon
hai muhabbat mujay parindon se
zain main naik kaam karta hon
Zain Shakeel
No comments:
Post a Comment