دشت و ویراں میں کہیں کٹیا بسائے ہوئے لوگ
دیکھ کس حال میں رہتے ہیں ستائے ہوئے لوگ
بارشیں یوں بھی ہر اک زخم ہرا کرتی ہیں
یاد آتے ہیں نگاہوں سے بہائے ہوئے لوگ
منتظر اب یہاں خواہش ہے نہ میّت کوئی
اس قدر دیر سے لوٹے ہیں بلائے ہوئے لوگ
کیسے جائیں گے بھلا اب وہ تسلی کے بغیر
تیرے ملنے کو بڑی دور سے آئے ہوئے لوگ
خاک بس خاک میں ملنےکے لیے ہوتی ہے
ہم ہیں اس واسطے مٹی سے بنائے ہوئے لوگ
آنسوئوں کو تو بھرم بھی نہیں رکھنا آیا
میری آنکھوں سے نکل آئے چھپائے ہوئے لوگ
زین ہنس ہنس کے اسی بات کو رو دیتا ہوں
مجھ سے روٹھے ہوئے رہتے ہیں منائے ہوئے لوگ
زین شکیل
dasht o veeran main kahin kutya basaye huye loag
dekh kis haal main rehtay hain satay huye loag
barishen youn bhi har ik zakhm hara karti hain
yaad atay hain nigahon se bahaye huye loag
muntazir ab yahan khwakhish hai na maiyyat koi
is qadar der se loatay hain bulaye huye lag
kese jayen gay bhala ab wo tassali k bagher
tere milnay ko bari door se aye huye loag
khaak bas khaak main milne k liye hoti hai
hum han is wastay matti se banaye huye loag
aansuon ko to bharam bhi nahi rakhna aya
meri ankhon se nikal aye chupaye huye loag
zain hans hans k isi baat ko ro deta hu
mujh se roothay huye rehtay hain manaye huye loag
Zain Shakeel
No comments:
Post a Comment