دیکھ لے گی ہوا ترا لہجہ
کس قدر ہے تھکا ترا لہجہ
میں نے اِس میں تجھے اتارا ہے
تو نے دیکھا نہیں مرا لہجہ
ساری آواز جل گئی لیکن
بچ گیا تھا ہرا بھرا لہجہ
اس کا لہجہ کمال لہجہ ہے
خوبصورت غزل سرا لہجہ
کتنے خاموش تھے وہ تیرے لب
کتنا مانوس تھا ترا لہجہ
لینے آیا تھا مجھ سے جو باتیں
لے گیا چھین کر مرا لہجہ
زین وہ سونپ کر گیا مجھ کو
اس قدر زہر سے بھرا لہجہ
زین شکیل
dekh le gi hawa tera lehja
kis qadar ha thaka tera lehja
main e is main tuje utaara ha
tu ne dekha nahi mera lehja
sari awaaz jal gayi lekin
bach gya tha harra bhara lehja
us ka lehja kamaal lehja hai
khoobsurat ghazal saraa lehja
kitne khamosh thay wo tere lab
kitna manoos tha tera lehja
lene aya tha muj se jo baten
le gya cheen kr mera lehja
zain wo soonp kr gya mujh ko
is qadar zeher se bhara lehja!
Zain Shakeel
No comments:
Post a Comment