یہیں پہ تھا میں کدھر گیا ہوں
مجھے سمیٹو بکھر گیا ہوں
غموں کی آندھی یہاں سے گزری؟
کہ میں ہوا سے گزر گیا ہوں؟
تم ابتدا لے کے آ گئے تھے
میں انتہا سے گزر گیا ہوں
تری ہی آواز آ رہی تھی
تری گلی میں ٹھہر گیا ہوں
جہاں وہ پہنچا پلک جھپکتے
میں رفتہ رفتہ اُدھر گیا ہوں
بس اُس نے دریا کی سمت دیکھا
میں ہونٹ سی کر اُتر گیا ہوں
پرانے یارو نئے سفر میں
مجھے پکارو ٹھہر گیا ہوں
گرفت محسوس ہو رہی ہے
کسی نظر سے گزر گیا ہوں
زین شکیل
yahin pe tha main kidhar gya hon
muje sameto bikhar gya hon
ghamon ki aandhi yahan se guzri
k main hawa se guzar gya hon
tum ibtida le k agaye thay
main intihaa se guzar gya hon
jahan wo puhncha palak jhapaktay
main rafta rafta udhar gya hon
bas us ne darya ki samt dekha
main hont see kr utar gya hon
puranay yaaro naye safar main
muje pukaro theher gya hon
girift mehsoos ho rahi hai
kisi nazar se guzar gya hon
Zain Shakeel
No comments:
Post a Comment