مسلسل ہی بھلایا جا رہا ہوں
میں لکھ لکھ کر مٹایا جا رہا ہوں
مجھے سننے پہ جو راضی نہیں ہے
اسے پھر بھی سنایا جا رہا ہوں
مجھے ہر طور ہے مٹی میں ملنا
نگاہوں سے بہایا جا رہا ہوں
محبت نے سیاست سیکھ لی ہے
سلیقے سے ستایا جا رہا ہوں
عجب ہے ہاتھ اس کا تھامنا بھی
اٹھا کر پھر گرایا جا رہا ہوں
جہاں پر امتحاں بنتا نہیں ہے
وہیں پر آزمایا جا رہا ہوں
مجھے کیا گیت سمجھی ،زین، دنیا؟
جو اتنا گنگنایا جا رہا ہوں
زین شکیل
musalsal hi bhulaya jaa raha hon
main likh likh kr mitaya jaa raha hon
mujhay sunnay pe jo raazi nahi hai
usay phir bhi sunaya jaa raha hon
mujhay har torr hai mitti main milna
nigahon se bahaya jaa raha hon
muhabbat ne seyasat seekh li hai
saleeqay se sataya jaa raha hon
ajab hai hath uska thaamna bhi
utha kr phir giraya jaa raha hon
jahan per imtehaan banta nahi hai
waheen per aazmaya jaa raha hon
mujhay kya geet samjhi zain duniya
jo itna gungunaya jaa raha hon
Zain Shakeel
No comments:
Post a Comment