بس گئی پھر دل کی بستی خواب میں
دیکھ لی جب ایک ہستی خواب میں
نیند کی وادی تو جل تھل ہوگئی
آنکھ اب کتنا برستی خواب میں
ایک کو میلے سے لے آیا تھا میں
ایک گڑیا ہے ترستی خواب میں
کتنی مہنگی پڑ گئی ہے جاگ کر
تھی یہ دنیا کتنی سستی خواب میں
اب بلندی پر پہنچ جاؤں گا میں
دیکھ لی ہے میں نے پستی خواب میں
وقت کی بے درد ناگن تُو کبھی
کاش مجھ کو صرف ڈستی خواب میں
ہو گیا میں جاگ کر کتنا غنی
کس لئے تھی تنگ دستی خواب میں؟
زین شکیل
bas gayi phir dil ki basti khwaab main
dekh li jab aik hasti khwaab main
neend ki vaadi to jal thal ho gayi
ankh ab kitna barasti khwaab main
aik ko mailay se le aya tha main
aik guriya hai tarasti khwaab main
kitni mehngi par gayi ha jaag kr
thi yeh dunia kitni sasti khwaab main
ab bulandi per puhnch jaon ga main
dekh li hai main ne pasti khwaab main
waqt ki be dard nagan tuu kabhi
kash mujh ko sirf dasti khwaab main
ho gya main jaag kar kitna ghani
kis liye thi tung dasti khwaab main?
Zain Shakeel
No comments:
Post a Comment