آنسو دھانی ہو جاتے ہیں
آنچل پانی ہو جاتے ہیں
تیری چاہ میں مرنے والے
لوگ کہانی ہو جاتے ہیں
کچھ ایسے بھی چہرے ہیں جو
یاد زبانی ہو جاتے ہیں
کھیل وہ کھیلیں؟ جس میں ہم تم
راجہ رانی ہو جاتے ہیں
آوازیں گم ہو جاتی ہیں
حرف نشانی ہو جاتے ہیں
زین چلو ہم خاموشی سے
بات پرانی ہو جاتے ہیں
زین شکیل
aansu dhaani ho jatay hain
aanchal paani ho jatay hain
teri chah main marne walay
loag kahani ho jatay hain
kuch aisay bhi chehray hain jo
yaad zabani ho jatay hain
khel wo khelen? jis main hum tum
raja raani ho jatay hain
aawazen gum ho jati hain
harf nishaani ho jatay hain
zain chalo hum khamoshi se
baat purani ho jatay hain
Zain Shakeel
No comments:
Post a Comment