wo aainon se jo be khabar hai haseen tar hai : poet zain shakeel

وہ آئینوں سے جو بے خبر ہے، حسین تر ہے

وہ جس پہ ٹھہری ہوئی نظر ہے، حسین تر ہے

جو دھوپ اوڑھے ہوئے بھی سایہ تو دے رہی ہے

وہ شاخ کتنی ہی بے ثمر ہے، حسین تر ہے

جو سر پہ دستِ کرم ہے ان کا تو رنج کیسا

پھر عمر جتنی بھی مختصر ہے، حسین تر ہے

وہ شہر ان کا کمال سے بھی کمال ہے پر

وہ ان کے در کی جو رہگزر ہے، حسین تر ہے

فشارِ جاں بھی قرارِ جاں ہی لگے ہے اب تو

جو مجھ پہ طاری ترا اثر ہے، حسین تر ہے

جو حق پہ بولے، زبان کھولے، سکوت توڑے

مرے لیے تو وہ معتبر ہے، حسین تر ہے

یہاں وہاں ہے، اِدھر اُدھر ہے، کدھر کدھر ہے

ترا تصّور جدھر جدھر ہے، حسین تر ہے

زین شکیل

wo aainon se jo be khabar hai haseen tar hai

wo jis pe thehri hui nazar hai haseen tar hai

jo dhoop orhay huye bhi saya to de rahi hai

wo shaakh kitni hi be samar hai, haseen tar hai

jo sar pe dast e karam hai unka to ranj kesa

phir umr jitni bhi mukhtasir hai, haseen tar hai

wo sheher unka kamaal se bhi kamaal hai per

wo un k dar ki jo rahguzar hai, haseen tar hai

fishaar e jan bhi qaraar e jan hi lagay hai ab to

jo mujh pe taari tera asar hai, haseen tar hai

jo haq pe bolay, zaban kholay, sakoot torray

mere liye to wo moatabar hai, haseen tar hai

yahan wahan hai, ishar udhar hai, kidhar kidhar hai

tera tassawur jidhar jidhar hai, haseen tar hai

Zain Shakeel