کس نے آخر من کا دیپ بجھایا ہے
سناٹا ہی کیوں آخر چِلایا ہے
تم بھی کیسی کیسی باتیں کرتے ہو
کیسا کیسا تم نے ڈھونگ رچایا ہے
شاخیں بھی تو پیڑ کے دکھ میں روئی ہیں
پتوں نے بھی وافر شور مچایا ہے
آج ہماری آنکھیں اتنا برسی ہیں
آج برس کر ساون بھی پچھتایا ہے
ہجر کے ماروں کو یوں ڈسنا ٹھیک نہیں
ہم نے کالی راتوں کو سمجھایا ہے
آج ہمارے بھاگ جگے ہیں اے لوگو
آج ہمارا سانول ملنے آیا ہے
میں نے اس کی آنکھوں سے الفاظ چنے
اور اس کے ہونٹوں سے گیت بنایا ہے
زین شکیل
kis ne akhir man ka deep bujhaya hai
sannata hi kiu akhir chillaya hai
tum bhi kesi kesi baten kartay ho
kesa kesa tum ne dhong rachaya hai
shakhen bhi to perr k dukh main roi hain
patton ne bhi vaafar shor machaya hai
aaj hamari ankhen itna barsi hain
aaj baras kar savan bhi pachtaya hai
hijr k maron ko youn dasna theek nahi
hum ne kaali raton ko smajhaya hai
aaj hamaray bhaag jagay hain ae logo
aaj hamara sanwal milne aya hai
main ne us ki ankhon se alfaaz chunnay
aor us k honton se geet banaya hai
Zain Shakeel
No comments:
Post a Comment