sath kisi ka choot gya dil beth gya : poet zain shakeel

ساتھ کسی کا چھوٹ گیا دل بیٹھ گیا

پیار کا مندر ٹوٹ گیا دل بیٹھ گیا

نیندوں کو تعبیر کی حسرت مار گئی

آنکھ میں سپنا پھوٹ گیا دل بیٹھ گیا

یاد تری رہ جانی تھی سو رہ گئی ہے

ہاتھ سے دامن چھوٹ گیا دل بیٹھ گیا

شام بھی مجھ سے موڑ کے چہرہ دور گئی

اور یہ دن بھی روٹھ گیا دل بیٹھ گیا

اور یہ ٹکڑے کون سمیٹے گا آخر

دیکھ میں کتنا ٹوٹ گیا دل بیٹھ گیا

زین شکیل

sath kisi ka choot gya dil beth gya

pyar ka mandir toot gya dil beth gya

neendon ko tabeer ki hasrat maar gayi

ankh main sapna phoot gya dil beth gya

yaad teri reh jani thi so reh gayi hai

hath se daman choot gya dil beth gya

shaam bhi mujh se morr k chehra door gayi

aor yeh din bhi rooth gya dil beth gya

aor yeh tukray kon sametay ga akhir

dekh main kita toot gya dil beth gya

Zain Shakeel