ٹھکرا دی تھی بستی ساری یاد کرو
جب تم تھے جذبوں پر طاری یاد کرو
کُل کتنے دکھ سکھ تھے تیرے اور مرے
جتنے بھی تھے باری باری یاد کرو
کیا غم ہے گر تم کو راجہ یاد نہیں
سندرتا کی راج کماری یاد کرو
بچھڑے تھے ہم عین کہانی بیچ مگر
تم اُس سے پہلے کی ساری یاد کرو
سہرا باندھے دکھ آئے گا پاس کبھی
کہتے تھے ناں؟ بات ہماری یاد کرو!
مجھ بھولے کو اب یہ آ کر کون کہے
جاں سے تھی میں تجھ کو پیاری، یاد کرو
زین شکیل
thukraa di thi basti sari yaad karo
jab tum thay jazbon per tari yaad karo
kul kiyne dukh sukh thay tere aor mere
jitne bhi thay bari bari yaad karo
kya gham hai gar tum ko raja yaad nahi
sundartaa ki raaj kumari yaad karo
bichray thay hum ain kahani beech magar
tum us se pehle ki sari yaad karo
sehra bandhay dukh aye ga paas kabhi
kehtay thay naa? baat hamari yaad karo!
mujh bhoolay ko ab yeh aa kar kon kahay
jaan se thi main tujh ko pyari, yaad karo
Zain Shakeel
No comments:
Post a Comment