کس نے ہنستی ہوئی تصویر کے آنسو پونچھے
کاش کوئی مری تقدیر کے آنسو پونچھے
وہ کچھ ایسے کسی تمہید سے باہر نکلا
اور اُس نے مری تحریر کے آنسو پونچھے
کون اس آبلہ پائی پہ لگائے مرہم
کون پیروںپڑی زنجیر کے آنسو پونچھے
نیند کے درد سبھی بانٹنے والاآخر
کس طرح خواب کی تعبیر کے آنسو پونچھے
ایک مدت سے سزا کاٹ رہا ہوں ،اب تو
کوئی آ کر مِری تقصیر کے آنسو پونچھے
سب فسوں ٹوٹ گئے زین زباں کےآخر
اب کوئی لہجہء تسخیر کے آنسو پونچھے
زین شکیل
kis ne hansti hui tasveer k ansu punchay
kash koi meri taqdeer k ansu punchay
wo kuch aisay kisi tamheed se bahir nikla
aor us ne meri tehreer k ansu punchay
kon is aabla payi pe lagaye marham
kon pairon parri zanjeer k ansu punchay
neend k dard sabhi bantnay wala akhir
kis tarah khwab ki tabeer k ansu punchay
aik muddat se saza kaat raha hon ab to
koi aa kar meri taqseer k ansu punchay
sab fason toot gaye zain zaban k aakhir
ab koi lehja e taskheer k ansu punchay
Zain Shakeel
No comments:
Post a Comment