تیرگی میں بھی روشنی ہے ناں
جو بھی ہے درد دائمی ہے ناں
اس قدر بے تکلفی، توبہ
سچ بتاؤ یہ دل لگی ہے ناں؟
میں جسے یاد آتا رہتا ہوں
وہ مرا دوست مطلبی ہے ناں!
اس نے بدلی ہوئی ہیں آنکھیں بھی
اس کے لہجے میں برہمی ہے ناں!
تُو نے بولاہے ، ہاں بچھڑنا ہے
"ہاں" کا مطلب، ہنسی خوشی، ہے ناں؟
میری آنکھوں میں جو بھی ہے چھوڑو
میرے سینے میں بے کلی ہے ناں!
تجھ سے لے کر تجھی تلک ہے بس
میری اتنی سی زندگی ہے ناں!
تو کہو آج کیاا رادہ ہے؟
آج کی شام سرمئی ہے ناں!
تُو مری تیسری محبت ہے
پہلی تُو، تُو ہی دوسری ہے ناں!
خامشی! کیوں تجھے گنواؤں میں؟
تو مجھے وجد میں ملی ہے ناں!
شاعری، درد، بے بہا چاہت
اب مرے پاس بس یہی ہے ناں!
اب ترے اور مرے بچھڑنے کا
فیصلہ بھی تو باہمی ہے ناں!
اب مجھے یاد تو نہ آؤ گے؟
یعنی یہ ہچکی آخری ہے ناں؟؟؟
زین شکیل
teergi main bhi roshni hai naa
jo bhi hai, dard dayemi hai naa
is qadar be takallufi toba
sach batao yeh dil lagi hai naa?
main jisay yaad ata rehta hon
wo mera dost matlabi hai naa!
us ne badli hui hain ankhen bhi
us k lehjay main barhami hai naa!
tu ne bola hai, han bicharna hai
"han" ka matlab hansi khushi hai naa?
meri ankhon main jo bhi hai choro
mere seenay main be kalli hai naa!
tujh se le kar tujhi talak hai bas
meri itni c zindgi hai naa!
to kaho aaj kya irada hai?
aaj ki shaam surmayi hai naa!
khamshi! kiua tujhay ganwaon main?
tu muje vajd main mili hai naa!
shayeri, dard, be baha chahat
ab mere pas bas yehi hai naa!
ab tere aor mere bicharnay ka
fesla bhi to baahmi hai naa!
ab muje yaad to na ao gay?
yaani yeh hichki akhri hai naa?
Zain Shakeel
No comments:
Post a Comment