تنہائی میں دیپ جلانا شہزادی
ایسے میری یاد منانا شہزادی
دیکھو آگے شام کا گہرا جنگل ہے
دیکھو زیادہ دور نہ جانا شہزادی
ہر اک شے سے دھول ہٹاناروزانہ
پھولوں سے گلدان سجانا شہزادی
تتلی کی ہر بات چھپانا پر پھر بھی
سارے جگنو پاس بلانا شہزادی
میں خوشبو میں رنگ ملا کر لاتا ہوں
تم کاغذکاپھول بنانا شہزادی
کیسے تم کو روز منایا کرتا تھا
ساری باتیں بھول نہ جانا شہزادی
ان آنکھوں میں پیاس بھری ہے صحرا کی
تم آنکھوں سے پیاس بجھانا شہزادی
تیری خاطر لوٹ کے آئے شہزادہ
اب نہ ایسے خواب سجانا شہزادی
زین شکیل
tanhayi main deep jalana shehzdi
aisay meri yaad manana shehzadi
dekho agay shaam ka gehra jungle hai
dekho zyada door na jana shehzadi
har ik shay se dhool hatana rozana
phoolon se guldaan sajan shehzadi
titli ki har baat chupana per phir bhi
saray jugnu paas bulana shehzadi
main khushbu main rung mila kar lata hon
tum kaghaz ka phool banana shehzadi
kese tum ko roz manaya karta tha
sari baten bhool na jana shehzadi
in ankhon main pyas bhari hai sehra ki
tum ankhon se pyaas bujhana shehzadi
teri khatir loat k aye shehzada
ab na aisay khwab sajana shehzadi
Zain Shakeel
No comments:
Post a Comment