کوئی لمحہ اجڑ جانے کی باتیں
کرو مجھ سے بچھڑ جانے کی باتیں
پھر ان کے پاس جب بھی بیٹھ جاؤں
نہیں کرتا میں گھر جانے کی باتیں
مری آنکھوں میں دیکھو اور پڑھ لو
کوئی صحرا بکھر جانے کی باتیں
کبھی تو چاند کرتا ہی رہا تھا
سمندر میں اتر جانے کی باتیں
حقیقت جانتا ہوں زندگی کی
کرو نہ مجھ سے مر جانے کی باتیں
یہاں وہ ٹھہر کے کرتا رہا تھا
یہاں سے بھی گزر جانے کی باتیں
نہیں کرتا کوئی اب مجھ سے آ کر
مری قسمت سنور جانے کی باتیں
زین شکیل
koi lamha ujjar janay ki baten
karo mujh se bichar janay ki baten
phir un k pas jab bhi beth jaon
nahi karta main ghar janay ki baten
meri ankhon main dekho aor parh lo
koi sehra bikhar janay ki baten
kabhi to chand bhi karta raha tha
samndar main utar janay ki baten
haqeeqat janta hon zindgi ki
karo na mujh se mar janay ki baten
yahan wo theher k karta raha tha
yahan se bhi guzar janay ki baten
nahi karta koi ab mujh se aa kar
meri qismat sanwar janay ki baten
Zain Shakeel
No comments:
Post a Comment