مری جو تم سے قربت ہو چلی ہے
یہ میری وجہِ شہرت ہو چلی ہے
ابھی بھی وقت ہے تم لوٹ جاؤ
مجھے تم سے محبت ہو چلی ہے
ہماری زندگی کے چاند ہو تم
تمہیں تکنے کی عادت ہو چلی ہے
تمہیں یوں احتیاطاً بھولنے پر
جنوں سے مجھ کو نسبت ہو چلی ہے
کوئی تو سیکھ لے مرہم لگانا
مجھے زخموں کی عادت ہو چلی ہے
تجھے خاموشیوں سے بات کرتے
سنا ہے ایک مدت ہو چلی ہے
ابھی عدت میں بیٹھی ہیں یہ خوشیاں
غموں سے مجھ کو رغبت ہو چلی ہے
خدا جانے یہ کیسا مرحلہ ہے
اداسی بھی عبادت ہو چلی ہے
زین شکیل
meri jo tum se qurbat ho chali hai
yeh meri wajh e shohrat ho chali hai
abhi bhi waqt hai tum loat jao
mujhay tum se muhabbat ho chali hai
hamari zindagi k chaand ho tum
tumhain taknay ki adat ho chali hai
tumhain youn ehteyatan bhoolne per
junoon se mujh ko nisbat ho chali hai
koi to seekh le marham lagana
muje zakhmon ki adat ho chali hai
tujhay khamoshiyon se baat kartay
suna hai aik muddat ho chali hai
abi issat main bethi hain yeh khushihyan
ghamon se mujh ko raghbat ho chali hai
khuda janay ye kesa marhala hai
udaasi bhi ibadat ho chali hai
Zain Shakeel
No comments:
Post a Comment