میں گُن جو عشق کے گانے لگا ہوں
جنوں کا فیض اب پانے لگا ہوں
بڑا مضبوط ہوں اندر سے لیکن
تمہیں دیکھا تو گھبرانے لگا ہوں
کسی کی یاد کے گھنگرو پہن کر
ابھی میں رقص فرمانے لگا ہوں
مجھے محسوس ہوتا جا رہا ہے
تمہیں تھوڑا سا یاد آنے لگا ہوں
ارے! اتنے خفا کیوں ہو رہے ہو
ابھی آیا تھا ، بس جانے لگا ہوں
پرے ہٹ جا غمِ دنیا کہ اب میں
مکمل طیش میں آنے لگا ہوں
کسی روٹھے ہوئے کو پھر منانے
میں خود سے روٹھ کر جانے لگا ہوں
مجھے کیوں چھوڑ کر جاتے نہیں ہو؟
تمہیں، لگتا ہے راس آنے لگا ہوں!
غمو ں! آؤ سواگت کے لیے سب
یہاں میں خود کو بلوانے لگا ہوں
سمجھ سے ماورا ہے عشق و الفت
یہی میں خود کو سمجھانے لگا ہوں
نگاہیں عرش کی جانب لگی ہیں
زمیں کو وجد میں لانے لگا ہوں
زین شکیل
main gunn jo ishq k ganay laga hon
junoo ka faiz ab panay laga hon
barra mazboot hon andar se lekin
tumhain dekha to ghabranay laga hon
kisi ki yaad k ghungroo pehen kar
abhi main raqs farmanay laga hon
muje mehsoos hota ja raha hai
tumhain thora sa yaad anay laga hon
aray! itnay khafa kiu ho rahay ho
abhi aya tha bas janay laga hon
paray hat ja gham e dunia k ab main
mukammal taish main anay laga hon
kisi roothay huye ko phir mananay
main khud se rooth kar janay laga hon
muje kiu chor kar jatay nahi ho
tumhain, lagta hai raas anay laga hon!
ghamo! ao sawagat k liye sab
yahan main khud ko bulwanay laga hon
samajh se mawra hai ishq o ulfat
yehi main khud ko samjhanay laga hon
nigahen arsh ki janib lagi hain
zameen ko vajd main lanay laga hon
Zain Shakeel
No comments:
Post a Comment