!اتنا سوچا، اتنا سوچا، حیرت ہے
!پھر بھی خط میں کچھ نہ لکھا، حیرت ہے
تم عرصہ پہلے کی باتیں کرتے ہو
!سچ مچ اتنا عرصہ بیتا؟ حیرت ہے
اب زخمی سے خوابوں کی تعبیریں کیا؟
!کیوں نیندوں نے دھوکا کھایا، حیرت ہے
دیواروں پر کچھ سائے چپ بیٹھے تھے
!بدلی میں چھپ چندا بولا، حیرت ہے
عرصہ بیتا تم تو بالکل ویسے ہو
!کیوں آنکھوں سے بادل برسا، حیرت ہے
میری تحریریں بھی رویا کرتی ہیں
!تم نے مجھ کو ہنستے دیکھا، حیرت ہے
میں نے جب یہ پوچھا کس نے دستک دی
!حیرت سے دروازہ بولا، حیرت ہے
زین شکیل
itna socha, itna socha, hairat hai!
phir bhi khat main kuch na likha hairat hai!
tum arsa pehle ki baten krtay ho
sach much itna arsa beeta? hairat hai
ab zakhmi se khwabon ki tabeeren kya?
kiu neendon ne dhoka khaya, hairat hai!
deevaron per kuch saye chup bethay thay
badli main chup chanda bola. hairat hai!
arsa beeta tum to blkul wese ho
kiu ankhon se badal barsa, hairat hai!
meri tehreeren bhi roya karti hain
tum ne mujh ko hanstay dekha, hairat hai!
main ne jab yeh pucha kis ne dastak di
hairat se darvaza bola, hairat hai!
Zain Shakeel
No comments:
Post a Comment