تو نے آخر رُلادیا مجھ کو
قہقہوں میں اُڑا دیا مجھ کو
میں تو ہر موڑ پر میسر تھا
تو نے کیسے گنوا دیا مجھ کو
میرے اندر تجھے نہیں پھونکا
باقی سارا بنا دیا مجھ کو
اب اگلتا ہوں ،سانس لیتا ہوں
زہر اتنا پلا دیا مجھ کو
یاد رکھا تھا مدتوں اس نے
بس اچانک بھلا دیا مجھ کو
تو بھی آخر زمانے جیسا ہے
اپنا چہرہ دکھا دیا مجھ کو
زین شکیل
tu ne aakhir rula diya mujh ko
qehqahon main urra diya mujh ko
main to har morr per muyassar tha
tu ne kese ganwa diya mujh ko
mere andar tujhay nahi phoonka
baqi sara bana diya mujh ko
ab ugalta hon sans leta hon
zeher itna pila diya mujh ko
yaad rakha tha muddaton us ne
bas achanak bhula diya mujh ko
tu bhi aakhir zamanay jesa hai
apna chehra dikha diya mujh ko
Zain Shakeel
No comments:
Post a Comment