aarzu ka koi pindaar badal kar aye : poet zain shakeel

آرزو کا کوئی پندار بدل کر آئے

میری خاطر کوئی اک بار بدل کر آئے

شہر والوں کو تماشہ ہے تو پھر یونہی سہی

کون حسرت سرِ بازار بدل کر آئے

وہ بھی تو نت نئے کردار کے گرویدہ تھے

اس لیے ہم کئی کردار بدل کر آئے

میں یہ سب کچھ اسے اک بار میں کیسے سونپوں

اس سے کہہ دو کہ کئی بار بدل کر آئے

ہم تو آنکھوں سے ہی پہچان لیا کرتے ہیں

آپ چہرہ یونہی بے کار بدل کر آئے

کب تلک یوں ہی انہیں روز پکاروں یارو

اب تو ان کا کوئی انکار بدل کر آئے

میرے کپڑوں سے ہے الجھن تو سنو ہم جاکر

یوں گئے اور مری سرکار، بدل کر آئے

زین شکیل

aarzu ka koi pindaar badal kar aye

meri khatir koi ik baar badal kar aye

sheher walon ko tamasha hai to phir younhi sahi

kon hasrat sar e bazaar badal kar aye

wo bhi to nit naye kirdaar k garveeda thay

is liye hum kayi kirdaar badal kar aye

main yeh sab kuch usay ik baar main kese sonpon

us se keh do k kayi baar badal kar aye

hum to ankhon se hi pehchan liya kartay hain

aap chehra yuhi bekaar badal kar aye

kab talak youn hi unhain roz pukaron yaro

ab to unka koi inkaar badal kar aye

mere kapron se hai uljhan to suno hum ja kar

youn gaye aor meri sarkaar badal kar aye

Zain Shakeel