ہو سکتی نہیں جس کی کوئی بات علیحدہ
اس شخص سے اب کیسے کریں ذات علیحدہ
تم ہم سے تو ہم تم سے کریں کوئی گلہ کیوں
پہلے تو ہوا کرتے تھے حالات علیحدہ
ہر شخص کو ہر بات بتاتا ہے وہ لیکن
کرتا ہی نہیں مجھ سے کوئی بات علیحدہ
آ ٹھہرتی ہے دل میں اداسی کی کوئی رُت
آنکھوں میں لگی رہتی ہے برسات علیحدہ
تم بھی تو نہیں کرتے رہے ہجر کا ماتم؟
کیا تم نے گزاری ہے کوئی رات علیحدہ؟
وہ شخص، زمانے میں کہیں کھویا ہوا ہے
ہے جس کی زمانے سے ہر اک بات علیحدہ
اچھا نہیں لگتا اسے تنہائی میں رہنا
اب کیسے کریں اس سے ملاقات علیحدہ
زین شکیل
ho sakti nahi jiski koi baat alehda
us shakhs se ab kese karen zaat alehda
tum hum se to hum tum se karen koi gila kiu?
pehle to hua kartay thay halaat alehda
har shakhs ko har baat batata hai wo lekin
karta hi nahi mujh se koi baat alehda
aa therti hai dil main udaasi ki koi rutt
ankhon main lagi rehti hai barsaat alehda
tum bhi to nhi krtay rahay hijr ka maatam
kya tum ne guzaari hai koi raat alehda
wo shakhs zamanay main kahi khoya hua hai
hai jis ki zamanay se har ik baat alehda
acha nahi lagta usay tanhayi main rehna
ab kese karen us se mulaqaat alehda
Zain Shakeel
No comments:
Post a Comment