دیکھو ہم نے چاند ستارہ لکھا ہے
لیکن تم کو سب سے پیارا لکھا ہے
میری جاں لینے کو لوگ آ جاتے ہیں
جب بھی تم کو جان سے پیارا لکھا ہے
ڈوبا ہے جو ایک منافع ،تُو ہی تھا
خود کو تیرے بعد خسارہ لکھا ہے
تم تو مجھ سے آدھا ملنے آئے تھے
میں نے پھر بھی تم کو سارا لکھا ہے
خط میں بھی ہم اور بھلا اب کیا لکھتے
ہم نے خود کو صرف تمہارا لکھا ہے
جس کے دم سے زینؔ اداسی قائم ہے
میں نے اس کو ایک سہارا لکھا ہے
زین شکیل
dekho hum ne chaand sitara likha hai
lekin tum ko sab se pyara likha hai
meri jan lene ko loag ajatay hain
jab bhi tum ko jaan se pyara likha hai
dooba hai jo aik munafa, tu hi tha!
khud ko tere baad khasara likha hai
tum to mujh se aadha milne aye thay
main ne phir bhi tum ko sara likha hai
khat main bhi hum aor bhala ab kya likhtay
hum ne khud ko sirf tumhara likha hai
jis k dum se zain udaasi qayem hai
main ne us ko aik sahara likha hai
Zain Shakeel
No comments:
Post a Comment