ye to logon ne yunhi baat banayi hui hai : poet zain shakeel

یہ تو لوگوں نے یونہی بات بنائی ہوئی ہے

کون کہتا ہے تری مجھ سے جدائی ہوئی ہے

میں تو آنکھوں کو بھی پڑھنے کا ہنر جانتا ہوں

تو نے اک بات کہیں مجھ سے چھپائی ہوئی ہے

لوگ آتے ہیں مرے گھر کی زیارت کےلیے

میں نے تصویر تری گھر میں لگائی ہوئی ہے

یہ جو غم ہے نا ترے ہجر کا بکھرا ہوا غم

ہم نے اس غم سے پرے کٹیا بسائی ہوئی ہے

اب جو ہر بات ہواؤں نے بتائی ہے تجھے

میں نے ہر بات ہواؤں کو سنائی ہوئی ہے

میں اکیلا تو نہیں تیرا تصور ہے یہاں

اور کمرے میں اداسی بھی بلائی ہوئی ہے

ہم کہاں بکتے تھے ان وقت کے شاہوں کو کبھی

تیری حسرت ہمیں بازار میں لائی ہوئی ہے

زین شکیل

ye to logon ne yunhi baat banayi hui hai

kon kehta hai teri muj se judayi hui hai

main to ankhon ko bhi parhne ka hunar janta hon

tu ne ik baat kahin muj se chupayi hui hai

loag atay hain mere ghar ki ziyarat k liye

main ne tasveer teri ghar main lagayi hui hai

yeh jo gham hai naa tere hijr ka bikhra hua gham

main ne is gham se paray kutya basayi hui hai

ab jo har baat hawaon ne batayi hai tuje

main ne har baat hawaon ko sunayi hui hai

main akela to nahi tera tassawur hai yahan

aor kamray main udaasi bhi bulayi hui hai

hum kahan biktay thay in waqt k shahon ko kabhi

teri hasrat hamain bazaar main layi hui hai

Zain Shakeel