tu samandar koi dhaara to nahi ho sakta : poet zain shakeel

تو سمندر، کوئی دھارا تو نہیں ہو سکتا

یہ محبت ہے کنارا تو نہیں ہو سکتا

دور ہونے سے محبت تو نہیں مر جاتی

پاس رہنا کوئی چارہ تو نہیں ہو سکتا

گرد چہرے پہ مسافت کی بھی ہو سکتی ہے

اب میں ہر کھیل میں ہارا تو نہیں ہو سکتا

میرے جیتے بھی تمہارا جو نہیں ہو پایا

میرے مرنے پہ تمہارا تو نہیں ہو سکتا

تو نے اس شہر کے آداب تو سیکھے لیکن

یوں مِری جان گزارا تو نہیں ہو سکتا

دل کو یہ کہہ کے دلاسہ میں دیے جاتا ہوں

ہر کوئی شخص ہمارا تو نہیں ہو سکتا

زین شکیل

tu samandar, koi dhaara to nahi ho sakta

yeh muhabbat hai kinara to nahi ho sakta

door hone se muhabbat to nahi mar jaati

paas rehna koi chaara to nahi ho sakta

gard chehray pe musafat ki bhi ho sakti hai

ab main har khel main haara to nahi ho sakta

mere jeetay bhi tumhara jo nahi ho paya

mere marne pe tumhara to nahi ho sakta

tu ne is sheher k adaab to seekhay lekin

youn meri jaan guzara to nahi ho sakta

dil ko yeh keh k dilasa main diye jata hon

har koi shakhs hamara to nahi ho sakta

Zain Shakeel