تُو ایک بار مجھے رازداں بنا لیتا!!
میں آئینوں سے تِرا عکس بھی چرا لیتا!!
سنا ہے بات بنانے میں تو بھی ماہر ہے
سو کوئی بات مرے رُوبرو بنا لیتا!!
میں اپنی پھوٹی ہوئی آنکھ پر رہا راضی
میں تیرے خواب سے اب انتقام کیا لیتا!!
میں اس طرح سے تجھے ٹوٹنے نہیں دیتا
اگر تُو آ کے مجھے حالِ دل سنا لیتا!!
میں واجباتِ محبت پہ سوچتا بھی نہیں
میں اپنا آپ گنوا کر بھی تجھ کو پا لیتا!!
ذرا سی دیر پہ تُو نے اٹھا لیا محشر
میں سو گیا تھا تو آ کر مجھے جگا لیتا!!
زین شکیل
tu aik bar mujhay razdan bana leta
main ainon se tera aks bhi chura leta
suna hai baat bananay main tu bhi mahir hai
so koi baat mere rubaru bana leta
main apni phooti hui ankh per raha raazi
main tere khwaab se ab intiqaam kya leta
main is tarah se tujhay tootne nahi deta
agar tu aa k muje haal e dil suna leta
main waajbaat e muhabbat pe sochta bhi nahi
main apna aap ganwa kar bhi tujh ko paa leta
zara c der pe tuu ne utha liya mehsar
main sogya tha to aa kar mujhay jaga leta
Zain Shakeel
No comments:
Post a Comment