خامشی کو ٹٹولتا ہوا تُو
بات میں زہر گھولتا ہوا تُو
آج بس غور سے سنا میں نے
میرے لہجے میں بولتا ہوا تُو
میں پروتا ہوا تجھے ان میں
میرے الفاظ تولتا ہوا تُو
آج پھر سے مجھے نظر آیا
رنگ اُداسی میں گھولتا ہوا تُو
پھر وہی تھامتا ہوا اِک میں
پھر مسلسل ہے ڈولتا ہوا تُو
دے کے دستک میں کاش پھر دیکھوں
در کو چپ چاپ کھولتا ہوا تُو
زین شکیل
khamshi ko tatolta hua tuu
baat main zehr gholta hua tuu
aj bas ghor se suna main ne
mere lehjay main bolta hua tuu
main pirota hua tujhay in main
mere alfaaz tolta hua tuu
aaj phir se mujhay nazar aya
rung udasi main gholta hua tuu
phir wohi thaamta hua ik main
phir musalsal hai dolta hua tu
de k dastak main kash phir dekhon
dar ko chup chaap kholta hua tu
Zain Shakeel
No comments:
Post a Comment