روتے روتے مسکرانا چاہئیے
درد کو ایسے نبھانا چاہئیے
پا لیا حد سے سوا میں نے اسے
سوچتا ہوں اب گنوانا چاہئیے
پھر اسے آنا نہیں ہے لوٹ کر
پھر اسے کوئی بہانہ چاہئیے
چاہتا بھی ہے مجھے پھر کیوں اسے
ہر تعلق غائبانہ چاہئیے
کیوں مجھے اس کی طلب رہنے لگی
وہ جسے سارا زمانہ چاہئیے
عشق ہونا در حقیقت جیت ہے
اس میں سب کچھ ہار جانا چاہئیے
کر لیا تسلیم میں نے ہجر کو
اس کو لیکن آنا جانا چاہئیے
وہ پرانے زخم مجھ کو راس تھے
پھر مجھے چہرہ پرانا چاہئیے
زین شکیل
rotay rotay muskurana chahiye
dard ko aisay nibhana chahiye
pa lia hadd se siva main ne usay
sochta hon ab ganwana chahiye
phir usay ana nahi hai loat kar
phir usay koi bahana chahiye
chahta bhi hai muje phir kiu usay
har taaluq ghayebana chahiye
kiu muje us ki talab rehne lagi
wo jisay sara zamana chahiye
ishq hona dar haqeeqat jeet hai
is main sab kuch haar jana chahiye
kar lia tasleem main ne hijr ko
us ko lekin ana jana chahiye
wo puranay zakhm mujh ko raas thay
phir muje chehra purana chahiye
Zain Shakeel
No comments:
Post a Comment