درد دل میں سمو لیا جائے
آج تھوڑا سا رو لیا جائے
ہاتھ آیا تو میں نے یہ سوچا
اُس کا دامن بھگو لیا جائے
ہم تو بس اس خیال سے روئے
کیوں نہ آنکھوں کو دھو لیا جائے
کل ستاروں سے بات کر لیں گے
آج کی رات سو لیا جائے
تجھ کو آخر سمیٹ رکھنا ہے
کیوں نہ خود میں پِرو لیا جائے
اجنبی لگ رہی ہیں یہ خوشیاں
اب کسی غم کا ہو لیا جائے
زین شکیل
dard dil main samo liya jaye
aaj thora sa ro liya jaye
hath aya to main ne yeh socha
uska daman bhigo liya jaye
hum to bas is khyal se roye
kiu na ankhon ko dho liya jaye
kal sitaron se baat kar lain gay
aaj ki ki raat so liya jaye
tujh ko akhir samet rakhna hai
kiu na khud main piro liya jaye
ajnabi lag rahi hain yeh khushiyan
ab kisi gham ka ho liya jaye
Zain Shakeel
No comments:
Post a Comment