پھر تو پیڑوں سے بھی دو نام مٹا دینے تھے
تو نے گر عہد مرے دوست بھلا دینے تھے
آج ہی چاند نے بادل میں نہاں رہنا تھا
آج ہی رات نے تارے بھی سُلا دینے تھے
آگ میں جھونک کے جانا تھا مری آنکھوں کو
جاتے جاتے مرے جذبے بھی جلا دینے تھے
میرے کہنے کا کہاں اس نے بھرم رکھنا تھا
اس نے محفل سے کہاں لوگ اٹھا دینے تھے
اے مرے خوفزدہ ! رات میں آجاتے ناں!
میں نے راہوں میں کئی دیپ جلا دینے تھے
میرے انکار نے کرنا تھا مجھے ہی رسوا!
اس نے اک پل میں کئی اشک بہا دینے تھے
یہ سمندر ہی اجازت نہیں دیتا ورنہ
میں نے پانی پہ ترے نقش بنا دینے تھے
جانے کیوں آبِ محبت میں مجھے ہی اس نے
گھول کر درد کے تعویز پلا دینے تھے!
زین شکیل
phir to perron se bhi do naam mita dene thay
tu ne gar ehd mere dost bhula dene thay
aj hi chand ne badal main nihan rehna tha
aaj hi raat ne taray bhi sula dene thay
aag main jhonk k jana tha meri ankhon ko
jatay jatay mere jazbay bhi jala dene thay
mere kehnay ka kahan us ne bharam rakhna tha
us ne mehfil se kahan loag utha dene thay
ae mere khofzada! raat main aajatay na!
main ne rahon main kayi deep jala dene thay
nere inkaar ne karna tha muje hi ruswa!
us ne ik pal main kayi ashk baha dene thay
yeh samandar hi ijazat nahi deta warna
main ne pani pe tere naqsh bana dene thay
janay kiu aab e muhabbat main muje hi us ne
ghol kar dard k taveez pila dene thay
Zain Shakeel
No comments:
Post a Comment