پھٹے ہوئے لباس سے تو شخصیت نہ تولیے
خدا کا خوف کھائیے ، نہ بد کسی کو بولیے
کوئی دلیل معتبر نہیں ہے عشق سامنے
محبتوں کی جھیل میں یوں زہر تو نہ گھولیے
اداس ہے نظر تو روح میں بھی اک فشار ہے
اجڑ چکے بہت ہمیں مزید تو نہ رولیے
ہے جسم و جاں کو ڈس رہا یہ سلسلہ سکوت کا
حضور آپ چپ کھڑے ہیں کیوں؟ لبوں کو کھولیے!
یہ کیا کہ رقصِ خامشی رہے ہمارے چارسُو
ذرا سماعتوں میں رَس محبتوں کے گھولیے
جو ڈس گئے، تو اب یہ اپنے آپ پر ملال ہے
کہ پالتے رہے تھے آستیں میں ہم سپولیے
دھیان اس کا اور ہی طرف تھا پھر بھی جانے کیوں
وہ مجھ سے کہہ رہی تھی، جی میں سن رہی ہوں بولیے
زین شکیل
phatay huye libas se ye shakhsiyat na toliye
khuda ka khoaf khaiye na bad kisi ko boliye
koi daleel moatabar nahi hai ishq samne
muhabbaton ki jheel main yu zeher to na kholiye
udas hia nazar to rooh main bhi ik fishaar hai
ujjar chukay bohot hamain mazeed to na roliye
hai jism o jan ko das raha yeh silsila sakoot ka
huzoor ap chup kharay hain kiu? labon ko kholiye!
ye kya k raqs e khamshi rahay hamaray chaar soo
zara sama'aton main ras muhabbaton k gholiye
jo das gaye, to ab ye apne aap per malaal hai
k paltay rahay thay aasteen main hum sapoliye
dheyan uska aor hi taraf tha phir bhi janay kiu
wo muj se keh rahi thi, " jee main sun rahi hon boliye"
Zain Shakeel
No comments:
Post a Comment