khud hangama ara hai ya bad hungam muhabbat : poet zain shakeel

خود ہنگامہ آرا ہے یا بد ہنگام محبت

کیونکر ہے مدت سے یارو تشنہ کام محبت

چاہ، خلوص، مروت، خدمت سارے روپ تمہارے

دیکھو تو ہیں جگ میں کتنے تیرے نام محبت

خواہش اٹھنے لگتی ہے تو مر جاتی ہے فوراً

بول ہمارے پاس ہے کیا اب تیرا کام محبت

اک ہم ہیں اور ایک زمانہ آتش زن صدیوں سے

اور کرے گی تُو ہم کو کتنا بدنام، محبت!

جو تھا، جتنا تھا، جیسا تھا قدموں میں رکھ چھوڑا

جانے کس لمحے پائے گی تُو انجام، محبت

جذبوں کی سچائی میں گر فرق ذرا آ جائے

ایسے میں اکثر ہو جاتی ہے ناکام، محبت

تُو تھی سادہ، کملی جھلّی، پھر کیوں بدلے چہرے؟

جا اب زیادہ چھڑ ہمیں مت، اے مادام محبت!

بس اک بار خلاصی ہو تو اس کے بعد کبھی پھر

بھولے سے بھی لیں گے نہ ہم تیرا نام محبت

اس سے بڑھ کر حیف نہیں اب میں تجھ پہ کر سکتا

آہ محبت، وائے محبت، بد فرجام محبت

زین ہمارے پاس متاعِ درد بچی ہے، جس میں

اک بے سود اداسی ہے اور اک بے نام محبت

زین شکیل

khud hangama ara hai ya bad hungam muhabbat

kiukar hai muddat se yaro tashna kaam muhabbat

chah, khuloos, murawwat, khidmat, saray roop tumharay

dekho to hain jag man kitne tere naam muhabbat

khwakhish uthne lagti hai to mar jati hai foran

bol hamaray pas hai kya ab tera kaam muhabbat

ik hum hain aor aik zamana aatish zan sadiyon se

aor karay gi tu hum ko kitna badnaam muhabbat

jo tha, jitna tha, jesa tha qadmon main rakh chorra

janay kis lamhay paye gi tu anjaam muhabbat

jazbon ki sachayi main gar farq zara ajaye

aisay main aksar ho jati hai nakaam muhabbat

tu thi sada, kamli jhalli, phir kiu badlay chehrat

ja ab zyada cherr hamain mat ae madaam muhabbat

bas ik baar khalasi ho to us k baad kabhi phir

bhoolay se bhi lain gay na hum tera naam muhabbat

is se barh kar haif nahi ab main tuj pe kar sakta

aah muhabbat, waye muhabbat, bad farjaam muhabbat

zain hamaray paas mata e dard bachi hai jis main

ik be sood udasi hai aor ik be naam muhabbat

Zain Shakeel