جن پر بے ثمری کی تہمت لگ جائے
ان پیڑوں کے چھاؤں کو دکھ ہوتے ہیں
بیٹے کے چہرے پر زردی کیوں چھائی؟
کیسے کیسے ماؤں کو دکھ ہوتے ہیں
شہروں میں جا بسنے والے کیا جانیں
ان لوگوں کے گاؤں کو دکھ ہوتے ہیں
رستوں کی دشواری کیسے سمجھے گی
چھالوں کے بھی پاؤں کو دکھ ہوتے ہیں
جانے کس کے غم میں بادل روتا ہے
کیا پر درد گھٹاؤں کو دکھ ہوتے ہیں؟
عمریں گر بے جرم سزاؤں میں گزریں
پھر تو صرف جزاؤں کو دکھ ہوتے ہیں
زین شکیل
jin per besamri ki tohmat lag jaye
un perron k chaon ko dukh hotay hain
betay k chehray per zardi kiu chayi?
kese kese maon ko dukh hotay hain
shehron main ja basnay walay kya janain
in logon k gaon ko dukh hotay hain
raston ki dushwari kese samjhay gi
chaalon k bhi paon ko dukh hotay hain
janay kis k gham main badal rota hai
kya pur dard ghataon ko dukh hotay hain?
umren gar be jurm sazaon main guzren
phir to sirf jazaon ko dukh hotay hain
Zain Shakeel
No comments:
Post a Comment