آنکھیں بھی تو بھر آتی ہیں اکثر ہی مسکانے سے
ماں کتنی خوش ہو جاتی ہے میرے گھر آ جانے سے
ذہن و دل کا گوشہ گوشہ کب تک تازہ دم رہتا
بہتر تھا تم خود آ جاتے یوں مجھ کو یاد آنے سے
سونا سونا آنگن تو یوں ہی کھانے کو دوڑے ہے
سو دکھ بٹ جایا کرتے ہیں پیڑوں کو بتلانے سے
اب تو بنجر بنجر آنکھیں زیادہ چپ چپ رہتی ہیں
دل رونے لگتا ہے اس کے یادوں میں آ جانے سے
اب تو اک مدت سے کوئی خوابوں میں بھی آیا نہ
ہم بھی اب عاجز آئے ہیں شاموں کو گھر جانے سے
میری سانسوں کی جنبش سے تو بھی ڈر سا جا تا ہے
میں بھی ڈرتا رہتا ہوں اب تیرا دل بہلانے سے
میں یہ تم سے کہتا تھا ناں تم پاگل ہو جاؤ گے
پاگل! پاگل ہی رہتا ہے پاگل کو سمجھانے سے
زین شکیل
ankhen bhi to bhar ati hain aksar hi muskanay se
maa kitni khush ho jati hai mere ghar ajanay se
zehn o dil ka gosha gosha kab tak taza dum rehta
behtar tha tum khud ajatay yu mujh ko yaad anay se
soona soona angan to youn hi khanay ko dorray hai
so dukh batt jaya kartay hain perron ko batlanay se
ab to banjar banjar ankhen zyada chup chup rehti hain
dil rone lagta hai us k yadon main ajanay se
ab to ik muddat se koi khwaabon main bhi aya na
hum bhi ab aajiz aye hain shamon ko ghar janay se
meri sanson ki junbish se tuu bhi dar sa jata hai
main bhi darta rehta hon ab tera dil behlanay se
main ye tum se kehta tha na tum pagal ho jao gay
pagal! pagal hi pagal ko samjhanay se
Zain Shakeel
No comments:
Post a Comment