جذبہء عشق ہے بے جان نہیں ہو سکتا
اب میں ہر بات پہ حیران نہیں ہو سکتا
یوں مجھے چھوڑ کے ہر روز چلے جاتے ہو
جیسے میرا کوئی نقصان نہیں ہو سکتا
ایک مدت سے کوئی خواب نہیں آیا ہے
آنکھ جتنا کوئی ویران نہیں ہو سکتا
ہے ترے ذکر سے دنیا مری اجلی اجلی
اب میں راہوں سے پریشان نہیں ہو سکتا
ایک ہی شخص رگ ِجاں میں سمایا ہوا ہے
ہر کوئی شخص مری جان نہیں ہو سکتا
میری یادوں میں وہ تا دیر تڑپنے والا
میرے زخموں سے تو انجان نہیں ہو سکتا
زین شکیل
jazba e ishq hai be jaan nahi ho sakta
ab main har baat pe heraan nahi ho sakta
youn muje chorr k har roz chalay jatay ho
jese mera koi nuqsan nahi ho sakta
aik muddat se koi khwaab nhi aya hai
aankh jitna koi veeran nahi ho sakta
hai tere zikr se dunia meri ujli ujli
ab main raahon se pareshan nahi ho sakta
aik hi shakhs rag e jaan main samaya hua hai
har koi shakhs meri jaan nahi ho sakta
meri yaadon main wo taa dair radapne wala
mere zakhmon se to anjaan nahi ho sakta
Zain Shakeel
No comments:
Post a Comment