muhabbat rooth jati hai : poet zain shakeel

محبت روٹھ جاتی ہے

یہ ہے اک کانچ کی گڑیا یہ گر کر ٹوٹ جاتی ہے

یہ اک لمبی مسافت سے کبھی جب لوٹ آئے تو

یہ بن کر آبلہ پاؤں کا اکثر پھوٹ جاتی ہے

تمہیں میں نے کہا بھی تھا اسے مت آزمانا تم

کہ ایسے آزمانے سے محبت روٹھ جاتی ہے

زین شکیل

muhabbat rooth jati hai

yeh hai ik kaanch ki gudiya yeh gir kr toot jati hai
yeh ik lambi musafat se kabhi jab loat aye to
yeh ban kr aabla paon ka aksar phoot jati hai
tumhain main ne kaha bhi tha isay mat aazmana tum
k aisay aazmanay se muhabbat rooth jati hai

Zain Shakeel

tumhain dil ne pukara hai, mujhay tum yaad atay ho : poet zain shakeel

تمہیں دل نے پکارا ہے، مجھے تم یاد آتے ہو

کہاں تجھ بن گزارا ہے، مجھے تم یاد آتے ہو

تمہارے بن رگوں میں زہر بھرتی ہے اداسی بھی

خسارہ ہی خسارہ ہے مجھے تم یاد آتے ہو

محبت نے لبادہ اوڑھ رکھا ہے فقیری کا

زمانہ کب گوارہ ہے مجھے تم یاد آتے ہو

محبت میں بھلا اسباب کیسے وسوسے کیسے

مرا سب کچھ تمہارا ہے، مجھے تم یاد آتے ہو

مجھے تنہائیوں سے ڈر نہیں لگتا کہ اب مجھ کو

تمہارا ہی سہارا ہے، مجھے تم یاد آتے ہو

وہ جتنے عکس تھے آنکھوں میں سارے بھول بیٹھا ہوں

تمہیں دل میں اتارا ہے، مجھے تم یاد آتے ہو

زین شکیل

tumhain dil ne pukara hai, mujhay tum yaad atay ho

kahan tujh bin guzara hai, mujhay tum yaad atay ho

tumharay bin ragon main zehr bharti hai udaasi bhi

khasara hi khasara hai, mujhay tum yaad atay ho

muhabbat ne lubada aorh rakha hai faqeeri ka

zamana kab gawara hai mujhay tum yaad atay ho

muhabbat main bhala asbaab kese vasvasay kese

mera sab kuch tumhara hai mujhay tum yaad atay ho

mujhay tanhaiyon se dar nahi lagta k ab mujh ko

tumhara hi sahara hai mujhay tum yaad atay ho

wo jitne aksa thay ankhon main saray bhool bhetha hon

tumhain dil main utara hai mujhay tum yaad atay ho 

Zain Shakeel

dekho main ne baat tumhari maani hai : poet zain shakeel

دیکھو میں نے بات تمہاری مانی ہے

ان آنکھوں میں ہجر کہیں آباد کیا

دن میں قید کیا شب میں آزاد کیا

ساری عمر تمہارے نام لگا ڈالی

عمر کے اک اک لمحے نے برباد کیا

اب سانسوں میں دور تلک ویرانی ہے

دیکھو میں نے بات تمہاری مانی ہے۔۔۔

تم نے کہا تھا خوش رہنا، خوش رہتا ہوں

تم نے کہا تھا ہنس دینا، ہنس دیتا ہوں

اور کوئی گر میرے بارے پوچھے تو

تم نے کہا تھا چپ رہنا، چپ رہتا ہوں

پھر بھی مجھ پر اک دکھ کی سلطانی ہے

دیکھو میں نے بات تمہاری مانی ہے۔۔۔

اب بھی ہے معمول وہی، دن، رات وہی

دکھ بھی، دکھ کا طول وہی، اور ذات وہی

اب بھی اکثر تم پر غزلیں کہتا ہوں

اب بھی خود سے کرتا ہوں اک بات وہی

نیا ہے چہرہ پر تصویر پرانی ہے

دیکھو میں نے بات تمہاری مانی ہے۔۔۔

دکھ دردوں کی محفل خوب سجاتا ہوں

دکھ سہہ سہہ کر اب میں درد بناتا ہوں

دیواروں کے آنسو بہنے لگتے ہیں

ایسے آنکھ میں بھر کر پانی لاتا ہوں

اب تنہائی بھی میری دیوانی ہے

دیکھو میں نے بات تمہاری مانی ہے۔۔۔

زین شکیل

dekho main ne baat tumhari maani hai

**********

in ankhon main hijr kaheen abaad kiya

din main qaid kiya shab main azaad kiya

sari umr tumharay naam laga daali

umr k ik ik lamhay ne barbaad kiya

ab sanson main door talak veerani hai

dekho main ne baat tumhari maani hai

tum ne kaha tha khush rehna, khush rehta hon

tum ne kaha tha hans dena, hans deta hon

aor koi gar mere baray poochay to

tum ne kaha tha chup rehna, chup rehta hon

phr bhi mujh per ik dukh ki sultani hai

dekho main ne baat tumhari maani hai

ab bhi hai mamool wohi din raat wohi

dukh bhi, dukh ka tool wohi, aor zaat wohi

ab bhi aksar tum per ghazlen kehta hon

ab bhi khud se krta hon ik baat wohi

neya hai chehra per tasveer purani hai

dekho main ne baat tumhari maani hai

dukh dardon ki mehfil khoob sajata hon

dukh seh seh kr ab main dard banata hon

deevaron k aansu behnay lagtay hain

aisay ankh main bhar kr paani laata hon

ab tanhayi bhi meri deevani hai

dekho main ne baat tumhari maani hai

Zain Shakeel

muhabbat aazmati hai mujhay tum yaad atay ho : poet zain shakeel

محبت آزماتی ہے مجھے تم یاد آتے ہو

جدائی اب ستاتی ہے مجھے تم یاد آتے ہو

محبت کے سنہرے باغ میں بے چین سی کوئل

کوئی جب گیت گاتی ہے مجھے تم یاد آتے ہو

اذیت ہوکہ راحت ہو کوئی کیسی بھی منزل ہو

تمہاری یاد آتی ہے، مجھے تم یاد آتے ہو

کوئی تسکیں شدہ چہرہ نہیں بھاتا، نگاہ لیکن

تمہیں رو کر بلاتی ہے، مجھے تم یاد آتے ہو

نہیں جب تم یہاں ہوتے، اداسی ظلم کرتی ہے

مجھے اتنا رلاتی ہے، مجھے تم یاد آتے ہو

مجھے لوری سناتی ہیں مری تنہائیاں شب بھر

اداسی گنگناتی ہے، مجھے تم یاد آتے ہو

کسی معصوم حسرت پر کوئی روتی ہوئی بچی، 

کبھی جب مسکراتی ہے، مجھے تم یاد آتے ہو

زین شکیل

muhabbat aazmati hai mujhay tum yaad atay ho

judayi ab satati hai mujhay tum yaad atay ho

muhabbat k sunehray baagh main be chain c koyel

koi jab geet gaati hai mujhay tum yaad atay ho

azziyat ho k rahat ho koi kesi bhi manzil ho

tumhari yaad ati hai mujhay tum yaad atay ho

koi taskeen shuda chehra nahi bhata, nigah lekin

tumhain ro kar bulati hai, mujhay tum yaad atay ho

nahi jab tum yahan hotay, udasi zulm krta ha

muje itna rulati hai, mujhay tum yaad atay ho

mujhay lori sunati hain meri tanhaiyan shab bhar

udasi gungunati hai, mujhay tum yaad atay ho

kisi masoom hasrat per koi roti hui bachi

kabhi jab muskurati hai mujhay tum yaad atay ho

Zain Shakeel

farhat abbas shah k naam : poet zain shakeel

فرحت عباس شاہ کے نام

تم مرے پاس نہیں ہو لیکن

تم سدا ساتھ رہے ہو میرے

یہ جو رستے ہیں بڑے تنگ نظر ہیں دیکھو

اور وہ لوگ جو آگے سے چلے آتے ہیں ان رستوں سے

ان کے بارے میں تو مت ہی پوچھو!

اور اکثر میں تری یاد میں بیٹھا ہوا تکتا ہوں انہی رستوں کو

بعض اوقات کوئی خط بھی تو لے آتا ہے

جس کو کھولوں تو میرے ہاتھ پہ چھالے سے نکل آتے ہیں

اور اس خط میں جو تحریر لکھی ہوتی ہے

اس میں بے چینی کے انبار لگے ہوتے ہیں

پھر بھی تم یاد بہت آتے ہو

جس طرح تم کو بھی تنہائی ڈسا کرتی تھی 

جس طرح تم کو بھی خوف آتا تھا تنہائی سے

ہاں وہی، ویسی ہی تنہائی مجھے ملنے چلی آتی ہے

سینے لگتی ہے تو رو دیتا ہوں

اور پھر اس کے سوا کوئی بھی چارہ تو نہیں

شام کے وقت اجڑ جانے کا ماحول سہانا تو نہیں 

اور تم میری ذہانت پہ ذرا غور کرو

شدتِ درد سے بچنے کے لیے روح کو لٹکا کے کسی ہینگر میں

اپنے کمرے میں ہی چھوڑ آتا ہوں

اور چل پڑتا ہوں یہ خوفزدہ جسم لیے پھر سے انہی رستوں پر

جن پہ شاید ہی کبھی ایسا کوئی شخص ملے

جو تری بات کہیں سے بھی چرا لاتا ہو

جو تری ذات کا احساس چرا لاتا ہو

اور ایسا تو کئی بار ہوا ہے فرحت

ترا احساس لیے گھر کو میں لوٹ آتا ہوں

تیرے احساس کو ہینگر میں لٹکتی ہوئی بے چین سی اک روح میں بند کرتا ہوں

اور پھر خود میں سمو لیتا ہوں

تب کہیں جا کہ قرار آتا ہے

اور بے چینی پہ پھر صبر کے بادل سے امڈ آتے ہیں

تم مرے ساتھ رہا کرتے ہو ایسے فرحت

اور اک بات سمجھ سے مری بالا تر ہے

تم مرے ساتھ بھی رہتے ہو مگر یاد بہت آتے ہو

رات کی ذات میں اک بات چھپی ہوتی ہے

اور اسی بات کی تہہ میں جا کر

میں تمہیں یاد کیا کرتا ہوں

اور اک بات بتانا تو تمہیں بھول گیا

وہ جو رستے ہیں ناں! بے کل رستے

اس پہ کچھ پیڑ کھڑے ہوتے ہیں بوسیدہ سے

میری حالت پہ بہت ہنستے ہیں

تلخ جملے بھی کسا کرتے ہیں 

پھر سے تم میری ذہانت پہ ذرا غور کرو

پیڑ جو کچھ بھی کہا کرتے ہیں سن لیتا ہوں

اور اگنور کیا کرتا ہوں

اور ان رستوں پہ آتے جاتے

بس تمہیں یاد کیا کرتا ہوں

یوں مرے ساتھ رہا کرتے ہو تم فرحت شاہ

زین شکیل

hawa k lams dekha kar, gina na kar : poet zain shakeel

ہوا کے لمس دیکھا کر، گنا نہ کر

مری تحریر کے آنسو چنا نہ کر

میں تیری آنکھ کے تیور سمجھتا ہوں

فقط خاموش بیٹھا کر، کہا نہ کر

اداسی کے سوا کیا ہے،مرے دل میں 

یہ اک بے چین جنگل ہے، گلہ نہ کر

ترا مل کر بچھڑنا مار دیتا ہے

مجھے تُو خواب میں بھی اب ملا نہ کر

مرے جو درد ہیں یونہی مہکنے دے

لگا تو شوق سے مرہم، سہا نہ کر

تجھے اب ماتمی چہروں سے الفت کیوں؟

تجھے میں نے کہابھی تھا، ہنسا نہ کر

تری آواز گھائل ہی نہ ہو جائے

صدائیں دشت میں مجھ کو دیا نہ کر

مری آوارگی تجھ کو نہ لے ڈوبے

تومیرے ساتھ بیٹھا کر، چلا نہ کر

زین شکیل

hawa k lams dekha kar, gina na kar

meri tehreer k aansu chuna na kar

main teri ankh k tevar samajhta hon

faqat khamosh betha kar, kaha na kar

udasi k siva kya hai mere dil main

yeh ik bechain jungle hai, gila na kar

tera mil kar bichadna maar deta hai

mujhay tu khwaab main bhi ab mila na kar

mere jo dard hain younhi mehekne de

laga tu shoq se marham saha na kar

tujhay ab maatmi chehron se ulfat kiu?

tujhay main ne kaha bhi tha hansa na kar

teri awaz ghayel hi na ho jaye!

sadayen dasht main mujh ko diya na kar

meri awargi tujh ko na le doobay

tu mere sath betha kar chala na kar

Zain Shakeel

baat suno! youn chup mat betho : poet zain shakeel

بات سنو! یوں چپ مت بیٹھو

دیواروں سے لگ کر رونا

آنکھیں پتھر ہو جانے سے

کتنا بہتر ہوتا ہے ناں

کچھ تو بولو ناں اب چندا

کہ میں آنکھیں پتھر ہونے

سے پہلے دیوار سے لگ کر

ڈھیر سا تیری یاد میں رو لوں؟؟؟

اپنے ان خاموش لبوں کو 

کھولو ناں اور یہ بتلا دو

کیا یہ چپ چپ دیواریں بھی

آنسو پونچھنا جان گئیں ہیں؟؟

اب یہ دکھ سکھ بانٹیں گی ناں؟؟

زین شکیل

baat suno! youn chup mat betho

deevaron se lag kr rona

ankhen pathar ho janay se

kitna behtar hota hai na

kuch to bolo naa ab chanda

k main ankhen pathar hone

se pehle deevar se lag kr

dher sa teri yaad main ro lon???

apne in khamosh labon ko

kholo naa aot yeh batla do

kya yeh chup chup deevaren bhi

aansu punchna jaan gayi hain??

ab yeh dukh sukh banten gi na??

Zain Shakeel

meri zaban k sabhi harf tolnay walay : poet zain shakeel

مری زباں کے سبھی حرف تولنے والے
خموش کیوں ہیں مِرے دوست بولنے والے

بتا، نا! اب وہ ترا ساتھ کیوں نہیں دیتے
قدم قدم پہ ترے ساتھ ڈولنے والے

نہ جانے کون سی نگری میں جا بسے آخر
وہ یار لوگ وہ بانہوں کو کھولنے والے

خموش رہ کے بھی باتیں ہزار کرتے ہو
ہنر کہاں سے تجھے آئے بولنے والے

تجھے ہی ڈھونڈتی رہتی ہیں بے اثر آنکھیں
نگاہِ شوق میں تاثیر گھولنے والے

زین شکیل

meri zaban k sabhi harf tolnay walay

khamosh kiu hain mere dost bolnay walay

bata naa ab wo tera sath kiu nahi detay?

qadam qadam pe tere sath dolnay walay

na janay kon c nagri main ja basay akhir

wo yaar loag wo banhon ko kholne walay

khamosh reh k b baten hazaar kartay ho

hunar kahan se tujhay aye bolnay walay

tujhy hi dhoondti rehti hain be asar ankhen
nigah e shoq main taseer gholnay walay

Zain Shakeel

main sarapa ishq hon mehrama : poet zain shakeel

میں سراپا عشق ہوں محرماں

میں اسیر ہوں

میں اسیرِ زلفِ دراز ہوں

میں فقیر ہوں

میں فقیرِ شاہِ نجفؑ ہوں طیبہ کی خاک ہوں

میں نشیبِ حسرتِ دید ہوں

میں فرازِ عشق کا راز ہوں

مِرے محرماں

میں محبتوں کی صداقتوں کا یقین ہوں

کہیں مدتوں سے میں یوں ہی گوشہ نشین ہوں

میں مکانِ فکر ہوں محرماں

کہیں عاشقی کی زمین ہوں

مجھے آئینے نے بتا دیا میں حسین ہوں

میں وجودِ ضبطِ طویل ہوں

میں اداسیوں کا مکین ہوں

مرے محرماں میں عجیب سا

مری بات بات عجیب سی

مرے دن عجیب سے رنگ کے

مری رات رات عجیب سی

میں نوائے شامِ فراق ہوں

میں نہایت اونچی اڑان ہوں

کہیں شاعری کی زبان ہوں

میں کہیں کہیں پہ گمان ہوں

میں سرورِ وجدِ وصال ہوں

میں عقیدتوں کا نشان ہوں

کوئی دہر ہوں

میں غبارِ ذات میں اک گھرا ہوا پہر ہوں

میں کسی کے خواب میں پھیلتا ہوا شہر ہوں

میں مٹھاسِ لہجہء یادِ یار کا زہر ہوں

میں حسین سا کوئی قہر ہوں 

میں نشاطِ وصلِ حبیب ہوں

میں مریضِ عشق ہوں محرماں

کہ میں آپ اپنا طبیب ہوں

میں ، غموں کے سینہء جاوداں میں جو گڑ گئی وہ صلیب ہوں

میں ہوں دسترس میں کسی کی 

پر کسی اور کا میں نصیب ہوں

میں اداسیوں کا خطیب ہوں

نہ میں دور ہوں نہ قریب ہوں

 میں عجیب ہوں

مرے محرماں

میں محبتوں کی اساس ہوں

کسی اور شہر میں اور ہی کسی شہر کو کہیں راس ہوں

کہیں عام ہوں کہیں خاص ہوں

میں سنہرے دشت کی پیاس ہوں

مرے محرماں میں لباس ہوں

میں لباسِ حسنِ مجاز ہوں

کہیں سوزِ ہوں کہیں ساز ہوں

میں محبتوں میں چھپا ہوا 

کوئی ایک سوز و گداز ہوں

 میں کسی غزل کی ردیف ہوں

کسی نظم کی کوئی داد ہوں

مرے محرماں، مرے  رازداں

میں سراپا عشق کی بات ہوں۔۔۔

زین شکیل

chup reh kar bhi yaar pukara jaa sakta hai : poet zain shakeel

چپ رہ کر بھی یار پکارا جا سکتا ہے

ان آنکھوں میں چاند اتارا جا سکتا ہے

ساری لہریں تیرے صدقے دے سکتا ہوں

سارا دریا تجھ پر وارا جا سکتا ہے

پھر تم سے ہی ایک محبت ہو سکتی ہے

پھر سے تم کو جیت کے ہارا جا سکتا ہے

تجھ کو تکنے اور تجھے تکتے رہنے سے

آنکھوں سے اس بار نظارا جا سکتا ہے

اس کے عارض دیکھ کے میں نے اکثر سوچا

مکھ چندا کا اور نکھارا جا سکتا ہے

اشکوں میں موجود مسافر شاید تجھ کو

آنکھوں کے اُس پار اتارا جا سکتا ہے

تو بچھڑا ہے اور میں اتنا ہی سمجھا ہوں

اب تیرے بن وقت گزارا جا سکتا ہے

زین شکیل

chup reh kar bhi yaar pukara jaa sakta hai

in ankhon main chaand utaara ja sakta hai

sari lehren tere sadqay de sakta hon

sara darya tujh per vaara ja sakta hai

phir tum se hi aik muhabbat ho sakti hai

phir se tum ko jeet k haara ja sakta hai

tujh ko taknay aor tujhay taktay rehnay se

ankhon se is baat nazara jaa sakta hai

us k aariz dekh k main ne aksar socha

mukh chandaa ka aor nikhaara ja sakta hai

ashkon main mojood musafir shayed tujh ko

ankhon k us paar utara ja sakta hai

tu bichra hai aor main itna hi samjha hon

ab tere bin waqt guzara jaa sakta hai

Zain Shakeel

hum sodayi ab tak jaan nahi paye : poet zain shakeel

ہم سودائی اب تک جان نہیں پائے

کس کے سینے لگ کر کتنا رونا تھا

کس سے کتنی بات چھپایا کرنی تھی

کس کو کتنی بات بتایا کرنی تھی

کس کی آنکھ میں چھپ کر بیٹھے رہنا تھا

کس کے دل میں شام گزارا کرنی تھی

ہم معصوم طبیعت والے آوارہ

اب تک بالکل بھی یہ جان نہیں پائے

بن پوچھے کس کس کے خواب میں جانا تھا

کس کو اپنا حال سنایا کرنا تھا

کس کو آنکھوں پار اتارا کرنا تھا

ہم سودائی اب تک جان نہیں پائے

زین شکیل

hum sodayi ab tak jaan nahi paye

kis k seenay lag kar kitna rona tha

kis se kitni baat chupaya karni thi

kis ko kitni baat bataya karni thi

kis ki ankh main chup kar bethay rehna tha

kis k dil main shaam guzara karni thi

hum masoom tabiyat walay aawara

ab tak bilkul bhi yeh jaan nahi paye

bin poochay kis kis k khwaab ain jana tha

kis ko apna haal sunaya karna tha

kis ko ankhon paar utara karna tha

hum sodayi ab tak jaan nahi paye

Zain Shakeel

junoo ko mohtaram karnay lagay ho : poet zain shakeel

جنوں کو محترم کرنے لگے ہو

سو یوں خود پر ستم کرنے لگے ہو

ابھی تو ایک لہجہ کم ہوا ہے

ابھی سے آنکھ نم کرنے لگے ہو

ہمیں محسوس ہوتا جا رہا ہے

بھروسہ بھی ختم کرنے لگے ہو

زمانہ نام لیتا ہے تمہارا

زمانے پر کرم کرنے لگے ہو

بتا دو جرم ہم سے کیا ہوا ہے

جو ہم سے بات کم کرنے لگے ہو

اداسی زین روتی جا رہی ہے

یہ اب کیسا ستم کرنے لگے ہو

زین شکیل

junoo ko mohtaram karnay lagay ho

so youn khud per sitam karnay lagay ho

abi to aik lehja kam hua hai

abi se aankh num karnay lagay ho

hamain mehsoos hota ja raha hai

bharosa bhi khatam karnay lagay ho

zamana naam leta hai tumhara 

zamanay per karam karnay lagay ho

bata do jurm hum se kya hua hai

jo hum se baat kam karnay lagay ho

udaasi zain roti ja rahi hai

yeh ab kesa sitam karnay lagay ho

Zain Shakeel

udaas kar k kahan gaye ho : poet zain shakeel

اداس کر کے کہاں گئے ہو

مکان والو

زمین والوں کو چھوڑکر تم کہاں گئے ہو؟

اے آسمانوں کے راستوں میں بھٹکنے والو

کہاں رکے تھے؟

تمہیں اداسی کے پار جانے کا شوق کیوں تھا؟

مکان والو

زبان کھولو

کہ خاک ہونے سے خاک ہوتا نہیں ہے جیون

وہ ایک منزل کہ دو قدم پہ پہنچ تو سکتے تھے آپ بھی اور ہم بھی لیکن

ذرا بتاؤ

کہ دو قدم تھے جو خارزاروں میں بکھرے بکھرے

کہ ساتھ چلنے کے تم نے وعدے تو کر لئے تھے مگر بتاؤ کہ دو قدم وہ

کہاں چلے ہو؟

زبان والو

ذرا بتاؤ کہاں پہ کرنی تھی بات کس سے، کہاں پہ کی تھی؟

کہی تھی کس سے؟

وہ بات کیا تھی؟

اے کان والو

وہ جس کی باتیں ہنسی ہنسی میں اڑا گئے ہو وہ کس اذیت میں ذیست کرنے نکل پڑا ہے

کوئی خبر ہے؟؟

کہ جس نے عمروں کی بے حسی کو

اسی محبت کی بے بسی کو حروف دے کر بیاں کیا تھا

تمہاری خاطر 

تمہیں سنانے کے واسطے ہی لہو جلا کر اداسیوں کے اجاڑ خانے سے لفظ لا کر

تمہیں سنانے کے واسطے ہی عذاب جھیلے تھے شاعری کے

اسے ہی سن کر ہنسی ہنسی میں اڑا گئے ہو

اے کان والو

یہ کیا کِیا ہے؟

نظر ملانی تھی کس سے تم نے، ملائی کس سے؟

اے آنکھ والو

نظر اٹھا کر جھکانے والو

نگاہ والوں سے اے نگاہیں چرانے والو

ذرا بتاؤ کہ کس نگر میں ہماری آنکھوں کو لے گئے ہو؟

کہاں پہ جا کر چھپا دیا ہے؟

تمہاری چاہت میں خون رسنے لگا تو ہے پر

کسی کی جانب نہیں یہ اٹھنے کی تاب رکھتیں 

کسی بھی صورت

کسی بھی لمحے 

حصار ٹوٹے اداسیوں کا

تو ہم بھی حسرت کے آئینوں پر 

گرائیں پتھر

حصار ٹوٹے تو ہم بھی بولیں 

مگر ابھی تک حروف جامد ہیں، آنکھ نم ہے

زبان چپ ہے

اداسیوں کے گھڑے میں ہم کو گرانے والو

ہماری مردہ سی حسرتوں کو جناز گاہوں میں لانے والو

زبان کھولو

کہ آخری بار پوچھتے ہیں

سو آخری بار ہی بتا دو

اداس کر کے کہاں گئے ہو؟

مکین تم بن اجڑ چکے ہیں

مکان والو

زین شکیل