ترا وہ نگاہوں سے بولنا، نہیں بھولنا
مری ہر نگاہ کو تولنا، نہیں بھولنا
یہ کلی کا کھِلنا تو خوب ہے مرے دوستا
مجھے اس کا آنکھوں کو کھولنا، نہیں بھولنا
کبھی اور کوئی نشہ کیا تو نہیں مگر
تری یاد میں مرا ڈولنا، نہیں بھولنا
مجھے اپنا کہنا وہ باتوں باتوں میں بھول سے
ترا رَس وہ کانوں میں گھولنا، نہیں بھولنا
تِرا سارا شہر مِرے خلاف کھڑا تھا پر
مِرے حق میں اک ترا بولنا، نہیں بھولنا!
تِرا اک نظر مجھے دیکھنا وہی پیار سے
ہے مجھے قسم مرے ڈھولنا، نہیں بھولنا
زین شکیل
tera wo nigahon se bolna nahi bhoolna
meri har nigah ko tolna nahi bhoolna
yeh kali ka khilna to khoob hai mere dosta
mujhay us ka ankhon ko kholna nahi bhoolna
kabhi aor koi nasha kiya to nahi magar
teri yaad main mera dolna nahi bhoolna
mujhay apna kehna wo baton baton main bhool se
tera ras wo kanon main gholna nahi bhoolna
tera sara sheher mere khilaf khara tha per
mere haq main ik tera bolna nahi bhoolna
tera ik nazar mujhay dekhna wohi pyaar se
hai mujhay qasam mere dholna nahi bhoolna
Zain Shakeel
No comments:
Post a Comment