ترا شہر کتنا تھا معتبر مری آنکھ میں
کہ بسا ہوا تھا ترا جو گھر مری آنکھ میں
کوئی ابر تھا جو ابھی تلک نہ برس سکا
کوئی اشک بھی ہوا در بدر مری آنکھ میں
مرے آنسوؤں میں مری یہ ذات تو بہہ گئی
رہا ایک شخص ہی عمر بھر مری آنکھ میں
ذرا ٹھہر رات کی تیرگی ابھی صبر کر
کوئی کر رہا ہے ابھی سفر مری آنکھ میں
مری ہر نظر بھی بلندیوں سے پرے گئی
ہوا جانے کس کا ابھی گزر مری آنکھ میں
ابھی اس میں پھیلنے لگ گئی ہے اداس رت
ابھی ہو رہا ہے ترا اثر مری آنکھ میں
زین شکیل
tera sheher kitna tha moatabar meri ankh main
k basa hua tha tera jo ghar meri ankh main
koi abr tha jo abhi talak na baras saka
koi ashk bhi hua darbadar meri ankh main
mere ansuon main meri yeh zaat to beh gayi
raha aik shakhs hi umar bhar meri ankh main
zara tehher raat ki teergi abhi sabr kar
koi kar raha hai abhi safar meri ankh main
meri har nazar bhi bulandiyon se paray gayi
hua janay kis ka abhi guzar meri ankh main
abhi is main phelnay lag gayi hai udaas rutt
abhi ho raha hai tera asar meri ankh main
Zain Shakeel
No comments:
Post a Comment