تیرا دکھ دوبارہ دیکھا جائے گا
جو بھی ہو گا یارا دیکھا جائے گا
پہلے آنکھیں دریا دیکھا کرتی تھیں
اب کی بار کنارہ دیکھا جائے گا
سب سے پہلے میں اس کو جھٹلاؤں گا
جو بھی تجھ سے پیارا دیکھا جائے گا
دو روحوں کا اک ہو جانا لازم ہے
تب ہی منظر سارا دیکھا جائے گا
میری آنکھیں رو رو کر یہ کہتی ہیں
کون اب تجھ سے پیارا دیکھا جائے گا
خوشیاں آدھی آدھی دیکھی جائیں گی
دکھ سارے کا سارا دیکھا جائے گا
پہلے سے اب ان باتوں پر کیا لڑنا
جو جیتا جو ہارا دیکھا جائے گا
میں جب بھی سارا ٹوٹا تو پھر اس دن
میرا پارہ پارہ دیکھا جائے گا
زین شکیل
tera dukh dobara dekha jaye ga
jo bhi hoga yara dekha jaye ga
pehle ankhen darya dekha karti theen
ab ki baar kinara dekha jaye ga
sab se pehle main usko jhutaon ga
jo bhi tujh se pyara dekha jaye ga
do roohon ka ik ho jana laazim hai
tab hi manzar saara dekha jaye ga
meri ankhen ro ro kar yeh kehti hain
kon ab tujh se pyara dekha jaye ga
khushiyan aadhi aadhi dekhi jayen gi
dukh saray ka sara dekha jaye ga
pehle se ab in baton per kya larna
jo jeeta jo haara dekha jaye ga
main jb bhi sara toota to phir us din
mera paara paara dekha jaye ga
Zain Shakeel
No comments:
Post a Comment